അബുദാബി • അബുദാബി ബിഗ് ടിക്കറ്റ് നറുക്കെടുപ്പില്‍ മലയാളിയെത്തേടി വീണ്ടും സൗഭാഗ്യം. ബുധനാഴ്ച നടന്ന ബിഗ് ടിക്കറ്റ് അബുദാബി റാഫിൾ നറുക്കെടുപ്പിൽ അജ്മാനില്‍ ജോലി ചെയ്യുന്ന അസൈൻ മുഴിപ്പുറത്ത് 12 മില്യൺ ദിർഹം (ഏകദേശം 24.66 കോടി ഇന്ത്യന്‍ രൂപ) നേടി.
നിലവിലെ സാഹചര്യങ്ങളിൽ വിര്‍ച്വല്‍ ആയി നടത്തിയ നറുക്കെടുപ്പിന്റെ തത്സമയ സ്‌ട്രീമിംഗ് അസൈന് കാണാന്‍ കഴിഞ്ഞിരുന്നില്ല.
അപ്പോള്‍ ജോലിയിലായിരുന്ന അസൈന് പിന്നീട് ജാക്ക്പോട്ടിന്റെ അവതാരകനായ റിച്ചാർഡിന് നന്ദി പറഞ്ഞു.
“മാഷള്ള, നന്ദി. ഞാൻ ഡ്യൂട്ടിയിലാണ്,” സമ്മാന വിവരം അറിയിക്കാന്‍ വിളിച്ച റിച്ചാര്‍ഡിനോട് അസൈന് പറഞ്ഞു. ആദ്യം തമാശ കോള്‍ ആണെന്നാണ് അസൈന് കരുതിയത്.
മെയ് 14 ന് വാങ്ങിയ 139411 എന്ന നമ്പറിലുള്ള ടിക്കറ്റിനാണ് ഒന്നാം സമ്മാനം ലഭിച്ചത്.
Post Your Comments