കർഫ്യു നിയമം ലംഘനം : പ്രവാസി ഉൾപ്പെടെ 13പേർ പിടിയിൽ

കുവൈറ്റ് സിറ്റി : കോവിഡ് പ്രതിരോധത്തിന്റെ ഭാഗമായുള്ള കർഫ്യു നിയമം ലംഘിച്ച 13പേർ കുവൈറ്റിൽ പിടിയിൽ. ഒരു പ്രവാസിയും , 12 സ്വദേശികളുമാണ് പിടിയിലായതെന്ന് ആഭ്യന്തരമന്ത്രാലയം അറിയിച്ചു. സിറ്റിയിൽ 2,ഹവല്ലിയിൽ 10, ജഹ്‌റയിൽ 1മാണ് അറസ്റ്റിലായവരുടെ എണ്ണം. കൂടുതൽ വിവരങ്ങൾ ലഭ്യമല്ല.

Also read : സൗത്ത് ചൈന കടല്‍ മേഖല വീണ്ടും സംഘര്‍ഷഭരിതം : സൗത്ത് ചൈന കടലില്‍ യു,എസ് ഏറ്റവും അപകടകാരിയായ ഡ്രോണ്‍ വിന്യസിച്ചു

അതേസമയം കുവൈറ്റിൽ 143 ഇന്ത്യക്കാർ ഉൾപ്പെടെ 710 പേർക്ക്​ കൂടി കുവൈറ്റിൽ ബുധനാഴ്ച്ച കോവിഡ് സ്ഥിരീകരിച്ചു. നാല് മരണം. ഇതോടെ രാജ്യത്ത് കോവിഡ് സ്ഥിരീകരിച്ചവരുടെ എണ്ണം 29,359ഉം, മരിച്ചവർ 230 ഉം ആയി. 1469 പേർ കൂടി സുഖം പ്രാപിച്ചതോടെ രോഗ മുക്തി നേടിയവരുടെ എണ്ണം ​15,750 ആയി ഉയർന്നു. നിലവിൽ 13,379 പേർ ചികിത്സയിലുണ്ട്. . ഇതിൽ 191 പേർ തീവ്രപരിചരണ വിഭാഗത്തിലാണ്​. ഫർവാനിയ ഗവർണറേറ്റിൽ 282, ജഹ്​റ ഗവർണറേറ്റിൽ 140, അഹ്​മദി ഗവർണറേറ്റിൽ 130, ഹവല്ലി ഗവർണറേറ്റിൽ 88, കാപിറ്റൽ ഗവർണറേറ്റിൽ 70 എന്നിങ്ങനെയാണ്​ പുതിയ കോവിഡ് ബാധിതരുടെ എണ്ണം.