വന്ദേ ഭാരത്‌ മിഷന്‍ : ഇന്ന് കേരളത്തിലേക്ക് എത്തുന്ന വിമാനങ്ങള്‍ : മോസ്കോ-കണ്ണൂര്‍ വിമാനം അര്‍ദ്ധരാത്രി കഴിഞ്ഞെത്തും

തിരുവനന്തപുരം • കോവിഡ് 19 പ്രതിസന്ധിയില്‍ വിദേശത്ത് കുടുങ്ങിക്കിടക്കുന്ന ഇന്ത്യക്കാരെ നാട്ടിലെത്തിക്കാനായി പ്രഖ്യാപിച്ച വന്ദേ ഭാരത്‌ ദൗത്യത്തിന്റെ ഭാഗമായി ഒന്‍പത് വിമാനങ്ങള്‍ ഇന്ന് കേരളത്തിലേക്ക് എത്തും. എയര്‍ ഇന്ത്യയുടെ രണ്ട് വിമാനങ്ങളും എയര്‍ ഇന്ത്യ എക്സ്പ്രസിന്റെ 7 വിമാനങ്ങളുമാണ് ഇന്ന് സംസ്ഥാനത്തേക്ക് എത്തുന്നത്.

മോസ്കോയില്‍ നിന്നും കണ്ണൂരിലേക്കും ഇന്ന് വിമാനമുണ്ട്. ഡല്‍ഹിയില്‍ ടെക്നിക്കല്‍ സ്റ്റോപ്പോടെയാണ് സര്‍വീസ് . മോസ്കോ സമയം ഉച്ചകഴിഞ്ഞ് 2.20 ന് പുറപ്പെടുന്ന വിമാനം രാത്രി 8.45 ന് ഡല്‍ഹിയിലും അര്‍ദ്ധരാത്രി കഴിഞ്ഞ് 12.45 ന് കണ്ണൂരിലും എത്തിച്ചേരും. എയര്‍ബസ് എ320 വിമാനം ഉപയോഗിച്ചാകും സര്‍വീസ്.

ഇന്നെത്തുന്ന വിമാനങ്ങളുടെ വിശദാംശങ്ങള്‍ (ബ്രായ്ക്കറ്റില്‍ എത്തിച്ചേരുന്ന സമയം)

എയര്‍ ഇന്ത്യ

1. എഐ 948 : റിയാദ് – തിരുവനന്തപുരം (21:00)
2. എഐ 1946 : മോസ്കോ – കണ്ണൂര്‍ (തിങ്കള്‍ – 00:45) , (ഡല്‍ഹി വഴി)

എയര്‍ ഇന്ത്യ എക്സ്പ്രസ് വിമാനങ്ങള്‍

1. ഐ.എക്സ് 1434 : ദുബായ് – കൊച്ചി (17:00)
2. ഐ.എക്സ് 1348 : അബുദാബി – കോഴിക്കോട് (18:00)
3. ഐ.എക്സ് 1746 : ദുബായ് – കണ്ണൂര്‍ (18:00)
4. ഐ.എക്സ് 1342 : സലാല – കണ്ണൂര്‍ (20:40)
5. ഐ.എക്സ് 1344 : ദുബായ് – കോഴിക്കോട് (21:40)
6. ഐ.എക്സ് 1538 : അബുദാബി – തിരുവനന്തപുരം (21:00)
7. ഐ.എക്സ് 1540 : ദുബായ് – തിരുവനന്തപുരം (23:00)