ഒമാനില്‍ കോവിഡ് ബാധിതർ വർധിക്കുന്നു; ഇന്ന് രോഗം സ്ഥിരീകരിച്ചത് 513 പേര്‍ക്ക്

മസ്കറ്റ് : ഒമാനില്‍ കോവിഡ് ബാധിതർ വർധിക്കുന്നു. ഇന്ന് രാജ്യത്ത് 513 പേര്‍ക്കാണ് രോഗം സ്ഥിരീകരിച്ചിരിക്കുന്നത്. ഏറ്റവും കൂടുതല്‍ കോവിഡ് കേസുകൾ റിപ്പോര്‍ട്ട് ചെയ്തതും ഇന്നാണ്.  ഇതില്‍ 179 സ്വദേശികളും 334 പേര്‍ വിദേശികളുമാണ്. ഇതോടെ രാജ്യത്ത് വൈറസ് ബാധിച്ചവരുടെ എണ്ണം 7770 ലെത്തിയെന്നും 1933 പേര്‍ സുഖം പ്രാപിച്ചുവെന്നും ഒമാന്‍ ആരോഗ്യ മന്ത്രാലയം പുറത്തിറക്കിയ വാര്‍ത്താ കുറിപ്പില്‍ പറയുന്നു. ഒമാനില്‍ ഇതുവരെ കൊവിഡ് ബാധിച്ച് 36 പേരാണ് മരണപ്പെട്ടിരിക്കുന്നത്.