തിരുവനന്തപുരം: മുന്‍ മിസോറാം ഗവര്‍ണര്‍ കുമ്മനം രാജശേഖരനെതിരെ വ്യാജ വാര്‍ത്ത നല്‍കിഎന്നാരോപിച്ച് കൈരളി ടിവിക്കെതിരെ രോഷാകുലനായി ബിജെപി സംസ്ഥാന അധ്യക്ഷന്‍ കെ. സുരേന്ദ്രന്‍. ബിജെപി സംസ്ഥാന കമ്മിറ്റി ഓഫീസില്‍ നിന്നും കുമ്മനം രാജശേഖരനെ പുറത്താക്കിയെന്നുള്ള വാര്‍ത്തയാണ് കൈരളി ടിവി നല്‍കിയത്. ഇതിനെതിരെ പ്രതികരണവുമായി നേരത്തെ കുമ്മനം രംഗത്തെത്തിയിരുന്നു.
ഇതിനു പിന്നാലെയാണ് കെ സുരേന്ദ്രൻ പ്രസ്താവനയുമായി രംഗത്തെത്തിയത്. സര്‍ക്കാര്‍ ജോലിയും വീടും കുടുംബവും എന്തിന് ഒടുവില്‍ ഗവര്‍ണ്ണര്‍ പദവിപോലും ഉപേക്ഷിച്ച് പൊതുജീവിതത്തിനിറങ്ങിയ കുമ്മനത്തിനെ വെച്ച്‌ വാര്‍ത്ത ചമയ്ക്കുന്ന മാധ്യമപ്രവര്‍ത്തകര്‍ക്കറിയില്ലല്ലോ, അങ്ങയുടെ സ്ഥാനം ഒരു മുറിയിലല്ല ലക്ഷോപലക്ഷം ജനങ്ങളുടെ ഹൃദയങ്ങളിലാണെന്ന് അദേഹം ഫേസ്ബുക്കില്‍ കുറിച്ചു.
പോസ്റ്റിന്റെ പൂർണ്ണരൂപം: സർക്കാർ ജോലിയും വീടും കുടുംബവും എന്തിന് ഒടുവിൽ ഗവർണ്ണർ പദവിപോലും ഉപേക്ഷിച്ച് പൊതുജീവിതത്തിനിറങ്ങിയ അങ്ങയെപ്പൊലുള്ളവരെവെച്ച് വാർത്ത ചമയ്ക്കുന്ന മാധ്യമപ്രവർത്തകർക്കറിയില്ലല്ലോ അങ്ങയുടെ സ്ഥാനം ഒരു മുറിയിലല്ല ലക്ഷോപലക്ഷം ജനങ്ങളുടെ ഹൃദയങ്ങളിലാണെന്ന്….
Post Your Comments