കോവിഡ്​ രോഗത്തില്‍ നിന്ന്​ മുക്തി നേടിയാലും പുരുഷ ബീജത്തില്‍ കൊറോണ​ വൈറസ്?​ ഞെട്ടിക്കുന്ന ​ പഠനം പുറത്ത്

ബെയ്​ജിങ്​: കോവിഡ്​ രോഗമുക്തി നേടിയ ശേഷവും പുരുഷ ബീജത്തില്‍ കോവിഡ്​ സാന്നിധ്യം കണ്ടെത്തിയിരിക്കുകയാണ് ഗവേഷകർ. ലൈംഗിക ബന്ധത്തിലൂടെ രോഗം പകരാനുള്ള സാധ്യതയാണ്​ ഈ കണ്ടെത്തല്‍ വിരല്‍ ചൂണ്ടുന്നതെന്ന് ചൈനീസ്​ ഗവേഷകരെ ഉദ്ധരിച്ച്‌​ അന്തര്‍ ദേശീയ മാധ്യമമായ സി.എന്‍.എന്‍ റി​പ്പോര്‍ട്ട്​ ചെയ്യുന്നു.

വൂഹാനിലെ ഷാങ്ക മുനിസിപ്പല്‍ ആശുപത്രിയില്‍ കോവിഡ്​ ചികിത്സയിലായിരുന്ന 38 പുരുഷന്മാരിൽ ഒരു സംഘം ചൈനീസ്​ ഗവേഷകര്‍ നടത്തിയ പരിശോധനയിലാണ്​ ബീജത്തിലെ കോവിഡ് സാന്നിധ്യം കണ്ടെത്തിയത്​. ഇവരില്‍ 16 ശതമാനം പേരുടെ ബീജത്തിലും കോവിഡ് സാന്നിധ്യം കണ്ടെത്താന്‍ ഗവേഷകര്‍ക്ക്​ സാധിച്ചുവെന്ന്​ ജാമ നെറ്റ്​വര്‍ക്ക്​ ഓപണ്‍ ജേണലില്‍ പ്രസിദ്ധീകരിച്ച റിപ്പോര്‍ട്ടില്‍ പറയുന്നു.

ടെസ്റ്റിന് വിധേയരാക്കിയവരില്‍ കാല്‍ ഭാഗം രോഗികള്‍ കോവിഡ്​ ഗുരുതരമായി ബാധിച്ചവരും ഒമ്ബത്​ ശതമാനം പേര്‍ രോഗത്തില്‍ നിന്ന്​ മുക്​തി നേടിക്കൊണ്ടിരിക്കുന്നവരുമായിരുന്നു. വൈറസ്​ പെരുകില്ലെങ്കിലും അത്​ ​ബീജത്തില്‍ നില നില്‍ക്കുമെന്ന്​ റിപ്പോര്‍ട്ടില്‍ പറയുന്നു. എന്നാല്‍ ഇതുവഴി വൈറസ്​ പടരുമോ എന്ന കാര്യം വ്യക്തമല്ല.

ALSO READ: കോ​വി​ഡ് 19 ആ​ശു​പ​ത്രി​യി​ലു​ണ്ടാ​യ തീ​പി​ടി​ത്ത​ത്തി​ല്‍ ഒ​രാ​ള്‍ മ​രി​ച്ചു

എബോളയും സിക്ക വൈറസുമൊക്കെ ബാധിച്ച പുരുഷന്‍മാരുടെ ബീജത്തില്‍ രോഗമുക്തി നേടി മാസങ്ങള്‍ക്ക് ശേഷവും​ വൈറസ്​ സാന്നിധ്യം കണ്ടെത്തിയിരുന്നു.