ന്യൂഡൽഹി; ഛേത്രിയോട് നെറ്റ്ഫ്ലിക്സ് പാസ് വേർഡ് തരാമോയെന്ന് ആരാധകൻ, ഇന്നലെ ഇന്ത്യന്‍ ഫുട്ബാള്‍ നായകന്‍ സുനില്‍ ഛേത്രി തനിക്ക് ലഭിച്ച രസകരമായ ഒരു ഫേസ്ബുക്ക് സന്ദേശം ട്വിറ്ററില്‍ പങ്കുവെച്ചിരുന്നു, ഛേത്രിയുടെ നെറ്റ്ഫ്ലിക്സ് പാസ് വേര്‍ഡ് ആവശ്യപ്പെടുന്ന ആരാധകന്റെ സന്ദേശമായിരുന്നു അത്, ലോക്ഡൗണില്‍ വലഞ്ഞ ആരാധകനാണ് ഛേത്രിയോട് വിചിത്ര ആവശ്യമുന്നയിച്ചത്, ‘സഹോദരാ ഛേത്രി.. നിങ്ങളുടെ നെറ്റ്ഫ്ലിക്സ് അക്കൗണ്ടിന്റെ യൂസര്‍ നെയിമും പാസ്വേര്‍ഡും എനിക്ക് തരുമോ..? ലോക്ഡൗണ്‍ കഴിഞ്ഞാല്‍ പാസ്വേര്‍ഡ് മാറ്റിക്കോളൂ…’ ഇങ്ങനെയായിരുന്നു സന്ദേശം.
എന്നാൽ ട്വിറ്ററില്‍ ചിരിപടര്‍ത്തിയ സന്ദേശം ഛേത്രി ഒരു തമാശക്ക് പങ്കുവെച്ചതായിരുന്നുവെങ്കിലും കാര്യങ്ങള്‍ ഇപ്പോള്‍ കൈവിട്ട് പോയി, ഒ.ടി.ടി പ്ലാറ്റ്ഫോമായ സാക്ഷാല്‍ നെറ്റ്ഫ്ലിക്സും ഛേത്രിയോട് ഒരു ആവശ്യവുമായി എത്തിയിരിക്കുകയാണ്, താരത്തിന്റെ ചിത്രത്തില്‍ ഒരു ഓട്ടോഗ്രാഫ് ഒപ്പിട്ട് നല്‍കുമോ എന്നായിരുന്നു നെറ്റ്ഫ്ലിക്സ് ആവശ്യപ്പെട്ടത്.
എന്നാല്‍ നെറ്റ്ഫ്ലിക്സിന് ഒരു ബാര്‍ട്ടര്‍ ഡീലാണ് ഛേത്രി മുന്നോട്ട് വെച്ചത്, രണ്ട് മാസത്തെ നെറ്റ്ഫ്ലിക്സ് സബ്സ്ക്രിപ്ഷന്‍ തന്റെ ആരാധകന് നല്‍കുകയാണെങ്കില്‍ ഒപ്പ് വച്ച ഒരു ഷര്‍ട്ടും ചിത്രവും തരാമെന്ന് താരം പറഞ്ഞു, വൈകാതെ നെറ്റ്ഫ്ലിക്സ് ഛേത്രിയുടെ ആരാധകനെ ഡബിള്‍ ഹാപ്പിയാക്കാനായി മറ്റൊരു സമ്മാനം കൂടി പ്രഖ്യാപിച്ചു. രണ്ട് മാസത്തെ നെറ്റ്ഫ്ലിക്സ് സബ്സ്ക്രിപ്ഷനൊപ്പം ഛേത്രിയുടെ ഒപ്പിട്ട ടീ ഷര്‍ട്ടും നല്‍കുമെന്നായിരുന്നു ഓഫര്‍. എന്തായാലും ആരാധകന് ഹാപ്പിയായി, നെറ്റ്ഫ്ലിക്സിനും ഒരു ഒപ്പുവെച്ച ഷര്‍ട്ട് ഛേത്രി നല്‍കുമെന്ന് അറിയിച്ചിട്ടുണ്ട്.
In the true spirit of a barter, how about you guys hand the kid a two-month subscription and I'll send a signed shirt and a picture your way? Do we have a deal? https://t.co/Ub0WaMcutg
— Sunil Chhetri (@chetrisunil11) May 3, 2020
How about we send him both the jersey and a subscription card? Let’s make his day.
Slide tackling into your DMs so we can figure out how to do this. https://t.co/gT2NvOV5ZU— Netflix India (@NetflixIndia) May 3, 2020
Post Your Comments