ദുബായ് : 13 വാഹനങ്ങൾ കൂട്ടിയിടിച്ചുണ്ടായ അപകടത്തില്‍ മൂന്ന് പേര്‍ക്ക് പരിക്കേറ്റു. യുഎഇയിൽ, ദുബായ് എമിറേറ്റ്സ് റോഡില്‍ മോശം കാലാവസ്ഥയും പൊടിക്കാറ്റും കാരണം വാഹനങ്ങൾ നിരനിരയായി റോഡില്‍ കൂട്ടിയിടിക്കുകയായിരുന്നുവെന്ന് ദുബായ് പോലീസ് അറിയിച്ചു.
Also read : കുവൈറ്റിൽ രണ്ടു ഇന്ത്യക്കാരടക്കം അഞ്ച് പേർ കൂടി കോവിഡ് ബാധിച്ച് മരിച്ചു : പുതുതായി 364 പേർക്ക് രോഗബാധ
മോശം കാലാവസ്ഥ തുടരുന്ന സാഹചര്യത്തില്‍ നിയമങ്ങള്‍ കര്‍ശനമായി പാലിക്കണമെന്ന് ഡ്രൈവര്‍മാരോട് ദുബായ് പോലീസ് നിർദേശിച്ചു. മറ്റ് വാഹനങ്ങളുമായി സുരക്ഷിതമായ അകലം പാലിക്കുകയും വേഗത കുറയ്ക്കുകയും വേണം. അത്യാഹിത സന്ദര്‍ഭങ്ങളിലല്ലാതെ വാഹനങ്ങളിലെ ഹസാര്‍ഡ് ലൈറ്റുകള്‍ ഉപയോഗിക്കാൻ പാടുള്ളതല്ല. വാഹനങ്ങള്‍ ഓടിച്ചുകൊണ്ടിരിക്കുമ്പോള്‍ വെള്ളം ഉപയോഗിച്ച് ഗ്ലാസ് വൃത്തിയാക്കരുത്. പൊടി നിറഞ്ഞ് ഡ്രൈവറുടെ കാഴ്ച കൂടുതല്‍ മറയാന്‍ ഇത് കാരണമാവുമെന്നും പോലീസ് മുന്നറിയിപ്പ് നല്‍കി.
Post Your Comments