കോവിഡ് പ്രതിരോധപ്രവർത്തനങ്ങൾക്ക് സംഭാവന നൽകിയെങ്കിലും മറ്റുള്ള താരങ്ങൾക്കിടയിൽ നിന്ന് വ്യത്യസ്‌തനായി നടൻ വിജയ് ദേവരകൊണ്ട. 1.3 കോടി രൂപയാണ് വിജയ് ദുരിതാശ്വാസത്തിനായി നൽകുന്നത്. ഇതോടൊപ്പം ദേവരകൊണ്ട ഫൗണ്ടേഷന്റെ ഭാഗമായി നൈപുണ്യ വികസനത്തിലൂടെ യുവാക്കൾക്ക് തൊഴിൽ നൽകുന്നതാണ് ഒരു പ്രോജക്റ്റ്. മിഡിൽ ക്ലാസ് ഫണ്ടാണ് മറ്റൊന്ന്. ഇടത്തരം കുടുംബങ്ങളിൽ സ്വയം തൊഴിൽ ചെയ്തിരുന്നവർക്ക് വീട്ടിലേക്ക് ഭക്ഷണ സാമാനങ്ങൾ വാങ്ങാനുള്ളതാണ് ഇത്.
നിലവിൽ ആന്ധ്രാപ്രദേശിലും തെലങ്കാനയിലുമാണ് സഹായം ലഭ്യമാക്കിയിട്ടുള്ളത്. സഹായിക്കാൻ സന്മനസ്സുള്ളവക്ക് സംഭാവന നൽകാനായുള്ള അവസരവും താരം ഒരുക്കിയിട്ടുണ്ട്. https://thedeverakondafoundation.org/ എന്ന വെബ്‌സൈറ്റിലൂടെയാണ് ഇതിന് അവസരം.
Post Your Comments