കാൺപൂര്‍ • കൊറോണ വൈറസ് ബാധിച്ച തബ്ലീഗി ജമാഅത്ത് അംഗങ്ങളുമായി സമ്പർക്കം പുലർത്തിയ 13 ഓളം മദ്രസ വിദ്യാർത്ഥികൾക്ക് കൊറോണ വൈറസ് പോസിറ്റീവായതായി മുതിർന്ന ആരോഗ്യ ഉദ്യോഗസ്ഥർ പറഞ്ഞു.
50 സാമ്പിളുകൾ വ്യാഴാഴ്ച പരിശോധിച്ചു, അതിൽ 13 ഫലങ്ങൾ പോസിറ്റീവ് ആയി. ഹോട്ട്‌സ്‌പോട്ട് സോണായ കൂലി ബസാറിലെ മദ്രസയിലെ വിദ്യാർത്ഥികളാണ് ഇവർ. 30 ഓളം പേർ ഇതിനകം പോസിറ്റീവായിട്ടുണ്ട്. 13 വിദ്യാർത്ഥികൾ വൈറസ് ബാധിച്ച തബ്ലീഗി ജമാഅത്ത് അംഗങ്ങളുമായി ബന്ധപ്പെട്ടിരുന്നതായും ചീഫ് മെഡിക്കൽ ഓഫീസർ ഡോ. അശോക് ശുക്ല പറഞ്ഞു.
മദ്രസയില്‍ ഇവരെ ഒറ്റപ്പെടുത്തി ക്വാറന്റൈന്‍ ചെയ്തിരുന്നു. ഇപ്പോൾ ഇവരെ സർക്കാർ ആശുപത്രികളിലെ കോവിഡ് -19 ഐസോലേഷൻ വാർഡുകളിൽ പ്രവേശിപ്പിച്ചിട്ടുണ്ടെന്നും സി.എം.ഒ കൂട്ടിച്ചേർത്തു.
പോസിറ്റീവ് ആയ എല്ലാ രോഗികളുടെയും കോൺ‌ടാക്റ്റ്-ട്രെയ്‌സിംഗ് നടക്കുന്നു. കാൺപൂരിൽ ഇതുവരെ 107 വൈറസ് കേസുകൾ റിപ്പോർട്ട് ചെയ്തിട്ടുണ്ട്. മൂന്ന് പേർ വൈറസ് ബാധിച്ച് മരണമടഞ്ഞു. ഏഴ് പേര്‍ക്ക് രോഗം ഭേദമായി.
Post Your Comments