ഔദ്യോഗിക പൊതു അവധി ദിനങ്ങള്‍ പ്രഖ്യാപിച്ച് ഗൾഫ് രാജ്യം

മസ്‌ക്കറ്റ് : ഔദ്യോഗിക പൊതു അവധി ദിനങ്ങള്‍ പ്രഖ്യാപിച്ച് ഒമാൻ.സുല്‍ത്താന്‍ ഹൈതം ബിന്‍ താരിക് അല്‍ സഈദ് ഇത് സമ്പന്ധിച്ച രാജകീയ ഉത്തരവ് പുറപ്പെടുവിച്ചത്. മുഹര്‍റം ഒന്ന്, റബിഉല്‍ അവ്വല്‍ 12, ഇസ്‌റാഅ് മിഅ്‌റാജ് (റജബ് 27), ഒമാന്‍ ദേശീയ ദിനം. (നവംബര്‍ 18 – 19), ചെറിയ പെരുന്നാള്‍ (റമസാന്‍ 29 – ശവ്വാല്‍ 3), ബലി പെരുന്നാള്‍ (ദുല്‍ ഹിജ്ജ 9 – ദുല്‍ ഹിജ്ജ 12) എന്നിവയാണ് പൊതു അവധി ദിനങ്ങളായി പ്രഖ്യാപിച്ചത്. അതോടൊപ്പം തന്നെ പൊതു അവധി ദിനങ്ങള്‍ വാരാന്ത്യ അവധി ദിനങ്ങളിലാണ് വരുന്നതെങ്കില്‍ പകരം ഒരു ദിവസം അവധി നല്‍കുന്നതാണ്.രണ്ട് പെരുന്നാള്‍ ദിനങ്ങള്‍ വെള്ളിയാഴ്ചയായി വന്നാലും മറ്റൊരു ദിവസം അവധിയായി പരിഗണിക്കപ്പെടും