ന്യൂഡല്‍ഹി: മോദി സർക്കാർ നടപടിയിൽ നന്ദിയറിയിച്ച് വയനാട് എം പിയും കോൺഗ്രസ് നേതാവുമായ രാഹുൽ ഗാന്ധി. വിദേശ നിക്ഷേപ ചട്ടത്തില്‍ ഭേദഗതി വരുത്തിയ കേന്ദ്ര സര്‍ക്കാര്‍ നടപടിയില്‍ കോണ്‍ഗ്രസ് നേതാവ് രാഹുല്‍ ഗാന്ധി നന്ദി അറിയിച്ചു.
നേരിട്ടുള്ള വിദേശ നിക്ഷേപ ചട്ടത്തില്‍ ഭേദഗതി വരുത്തിയ കേന്ദ്ര സര്‍ക്കാറിനോട് നന്ദിയറിക്കുകയാണെന്ന് രാഹുല്‍ ഗാന്ധി ട്വീറ്റ് ചെയ്തു. സര്‍ക്കാര്‍ ഇടപെടലുണ്ടായില്ലെങ്കില്‍ സാമ്ബത്തിക തകര്‍ച്ച മുതലാക്കി ഇന്ത്യന്‍ കമ്ബനികളില്‍ വിദേശനിക്ഷേപകര്‍ വന്‍തോതില്‍ നിക്ഷേപം നടത്തുമെന്ന് രാഹുല്‍ മുന്നറിയിപ്പ് നല്‍കിയിരുന്നു.
നേരിട്ടുള്ള വിദേശ നിക്ഷേപ നയത്തില്‍ ഇന്ത്യ മാറ്റം വരുത്തിയിരുന്നു. ചൈനയുള്‍പ്പടെയുള്ള രാജ്യങ്ങള്‍ കോവിഡ് 19 വൈറസ് ബാധ മുതലാക്കി വന്‍തോതില്‍ ഇന്ത്യന്‍ കമ്ബനികളില്‍ നിക്ഷേപത്തിനൊരുങ്ങുന്നുവെന്ന റിപ്പോര്‍ട്ടുകള്‍ക്കിടെയാണ് തീരുമാനം. പുതിയ തീരുമാന പ്രകാരം ഇന്ത്യയുടെ അയല്‍രാജ്യങ്ങള്‍ കമ്ബനികളില്‍ നിക്ഷേപം നടത്തുേമ്ബാള്‍ കേന്ദ്രസര്‍ക്കാറിെന്‍റ മുന്‍കൂര്‍ അനുമതി വാങ്ങണം.
പുതിയ നിയമപ്രകാരം വിദേശരാജ്യങ്ങളിലുള്ളവര്‍ക്ക് കമ്ബനിയുടെ ഉടമസ്ഥാവകാശം മാറ്റി നല്‍കുമ്പോഴും മുന്‍കൂര്‍ അനുമതി തേടണം. ചൈനയുള്‍പ്പടെയുള്ള രാജ്യങ്ങള്‍ക്ക് പുതിയ തീരുമാനം ബാധമാവും. പാകിസ്താനും ബംഗ്ലദേശും സമാനമായ ചട്ടങ്ങള്‍ നേരിട്ടുള്ള വിദേശനിക്ഷേപത്തില്‍ നേരത്തെ അവതരിപ്പിച്ചിരുന്നു.
Post Your Comments