താന്‍ മാഞ്ചസ്റ്റര്‍ യുണൈറ്റഡ് വിട്ട് യുവന്റസിലേക്ക് പോയത് പണത്തിനു വേണ്ടി അല്ല അലക്‌സ്‌ഫെര്‍ഗൂസണ് തന്നെ വിശ്വാസം ഇല്ലാതിരുന്നത് കൊണ്ടാണെന്നും ഫുട്‌ബോള്‍ കളിക്കാന്‍ വേണ്ടിയാണെന്നും യുണൈറ്റഡിന്റെ സൂപ്പര്‍ താരം പോള്‍ പോഗ്ബ. 2012ല്‍ ആയിരുന്നു മാഞ്ചസ്റ്റര്‍ യുണൈറ്റഡുമായി ഉടക്കി കൊണ്ട് പോള്‍ പോഗ്ബ യുവന്റസിലേക്ക് ഫ്രീ ട്രാന്‍സ്ഫറില്‍ പോയത്.
യുണൈറ്റഡില്‍ മിഡ്ഫീല്‍ഡില്‍ കളിക്കാന്‍ ആരും ഇല്ലാതിരുന്നിട്ട് കൂടെ തന്നെ കളിപ്പിക്കാന്‍ ഫെര്ഗൂസണ് തയ്യാറായില്ലെന്ന് ബ്ലാക്ക്‌ബേര്‍ണിന് എതിരായ മത്സരത്തെ പരാമര്‍ശിച്ച് പോഗ്ബ പറഞ്ഞു. അന്ന് ഡിഫന്‍ഡറായ റാഫേലിനെയാണ് ഫെര്ഗൂസണ് മിഡ്ഫീല്‍ഡില്‍ കളിപ്പിച്ചത്. അന്നത്തെ ദിവസമാണ് താന്‍ യുണൈറ്റഡ് വിടാന്‍ തീരുമാനിച്ചതെന്നും പോഗ്ബ വ്യക്തമാക്കി. യുണൈറ്റഡ് എക്കാലത്തെയും മികച്ച പരിശീലകനായിരുന്നു ഫെര്ഗൂസണ്.
Post Your Comments