ചെന്നൈ: മദ്യം ലഭിക്കാതെ വന്നതോടെ സാനിറ്റൈസർ കുടിച്ച യുവാവിന് ദാരുണാന്ത്യം. തമിഴ്നാട്ടിലെ കോയന്പത്തൂരിലാണ് സംഭവം. ഇയാൾ സാനിറ്റൈസറിൽ വെള്ളമൊഴിച്ച് കുടിക്കുകയായിരുന്നുവെന്നാണ് റിപ്പോർട്ട്. ലോക്ക്ഡൗൺ നിലവിൽ വന്നതിനു പിന്നാലെ സംസ്ഥാനത്ത് നിരവധി പേർ മദ്യം ലഭിക്കാത്തതിലുള്ള അസ്വസ്ഥത മൂലം ജീവനൊടുക്കിയതായാണ് റിപ്പോർട്ടുകൾ.
അതേസമയം രാജ്യത്ത് ലോക്ക് ഡൗൺ രണ്ടാഴ്ചത്തേക്ക് കൂടി നീട്ടും. ലോക്ക്ഡൗണ്‍ നിയന്ത്രണങ്ങളുമായി ബന്ധപ്പെട്ട് പ്രധാനമന്ത്രി നരേന്ദ്ര മോദി സംസ്ഥാന മുഖ്യമന്ത്രിമാരുമായി നടത്തിയിരുന്ന വീഡിയോ കോണ്‍ഫറന്‍സിങിലാണ് ഇത് സംബന്ധിച്ച് ധാരണയായത് . ലോക്ക്ഡൗണ്‍ നീട്ടണമെന്ന ആവശ്യമാണ് വിവിധ സംസ്ഥാനങ്ങളും ഉന്നയിച്ചതെന്നാണ് റിപ്പോർട്ട്. ചില മേഖലകളിൽ കൂടി ഇളവ് നൽകാൻ സാധ്യത, കേന്ദ്രം പുതിയ ഉത്തരവിറക്കുമെന്നാണ് വിവരം.
Post Your Comments