ബാംഗ്ലൂർ: കേരളത്തിൽ കൊറോണ വൈറസ് വ്യാപകമായി പടർന്നുപിടിച്ച സാഹചര്യത്തിൽ കേരളത്തിനെതിരെ മുഖ്യമന്ത്രി യെദിയൂരപ്പയെക്കാൾ കർശന നിലപാടുമായി പ്രതിപക്ഷ നേതാവ് സിദ്ധരാമയ്യ. കേരള അതിർത്തി കടന്നു ആരും വരാതിരിക്കാനുള്ള നടപടിയെടുക്കാൻ പ്രതിപക്ഷ നേതാവ് സിദ്ധരാമയ്യ മൈസൂർ ജില്ലാ ഉദ്യോഗസ്ഥർക്ക് നിർദേശം നൽകി.കെപിസിസി ഓഫീസിൽ ചൊവ്വാഴ്ച നടന്ന ടാസ്‌ക് ഫോഴ്‌സ് യോഗത്തിന് മുമ്പ് മൈസൂർ ജില്ലാ കളക്ടറെ ഫോണിൽ വിളിച്ച് ആണ് സിദ്ധരാമയ്യ ഇത് ആവശ്യപ്പെട്ടതെന്നാണ് വിജയ് കർണ്ണാടക പത്രം പറയുന്നത്.
“കേരളത്തിൽ നിന്ന് കോവിഡ് ബാധിച്ചവർ മൈസൂർ, കൊഡാഗു, ദക്ഷിണ കന്നഡ സംസ്ഥാനങ്ങളിൽ പ്രവേശിക്കുന്നു. അതിർത്തിയിൽ ഇതിനെതിരെ മുന്നറിയിപ്പ് നൽകണം.കൊറോണ വൈറസ് അണുബാധ എല്ലാ ദിവസവും കേരളത്തിൽ വ്യാപകമാണ്. ആരെയും സംസ്ഥാനത്തിന്റെ അതിർത്തിക്കുള്ളിൽ കടത്തരുത് ” ഡി കെ ശിവകുമാര്‍ അടക്കമുള്ള മുതിര്‍ന്ന നേതാക്കളുടെ യോഗത്തിന് ശേഷമാണ് സിദ്ധരാമയ്യ ഇത്തരത്തില്‍ നിര്‍ദ്ദേശം നല്‍കിയത്.
രാജ്യത്തെ എല്ലാ മുഖ്യമന്ത്രിമാരുമായും പ്രധാനമന്ത്രി ചര്‍ച്ച നടത്തും
അതേസമയം അതിര്‍ത്തി വഴി മംഗലാപുരത്തേക്ക് കടത്തിവിടാത്തതുകൊണ്ട് കഴിഞ്ഞ ദിവസം കാസര്‍കോട് രണ്ട് രോഗികള്‍ മരിച്ചിരുന്നു. ചൊവ്വാഴ്ചയോടെ കേരളത്തിൽ 241 പേർക്ക് കൊറോണ വൈറസ് ഉണ്ടെന്ന് കണ്ടെത്തിയിരുന്നു. കാസറഗോഡ് ജില്ലയിൽ കോവിഡ് -19 നിരവധി പേരെ ബാധിച്ചുവെന്നും ഇത് കൂടാതെ മൈസൂരിൽ കൊറോണ കേസുകൾ ദിനംപ്രതി വർദ്ധിച്ചുകൊണ്ടിരിക്കുകയാണ് എന്നും യോഗം വിലയിരുത്തി.
Post Your Comments