തിരുവനന്തപുരം : സംസ്ഥാനത്ത് ലോക് ഡൗണില്‍ കറങ്ങിയടിയ്ക്കുന്നവരെ കണ്ടെത്താന്‍ ഡ്രോണുകള്‍ , ഇനി മുതല്‍ പൊലീസ് കടുത്ത നടപടിയിലേയ്ക്കാണ് നീങ്ങുന്നത്. ലോക് ഡൗണിനെ കുറിച്ച് ജനങ്ങള്‍ കാര്യമായി എടുത്തിട്ടില്ലെന്ന് സംസ്ഥാനത്തിന്റെ വിവിധ ഭാഗങ്ങളില്‍ നിന്നുള്ള പൊലീസുകാരും പറയുന്നു.
അതിനാല്‍ തന്നെ, നിരോധനാജ്ഞ ലംഘിക്കുന്നതും ജനം കൂട്ടംകൂടുന്നതും കണ്ടെത്തി നടപടി സ്വീകരിക്കുന്നതിന് സംസ്ഥാനത്ത് ഡ്രോണുകളുടെ സേവനം വിനിയോഗിക്കുമെന്ന് ഡിജിപി ലോക്‌നാഥ് ബെഹ്‌റ പറഞ്ഞു. എല്ലാ ജില്ലകളിലും ഡ്രോണ്‍ ഉപയോഗിച്ച് ഇത്തരം പരിശോധന നടത്തുമെന്നും അദ്ദേഹം പറഞ്ഞു.
വാഹനങ്ങളെയും വ്യക്തികളെയും നേരിട്ട് സ്പര്‍ശിക്കാതെ ആയിരിക്കും ഇനി മുതല്‍ വാഹന പരിശോധന ഉള്‍പ്പെടെയുള്ള പോലീസ് നടപടികള്‍ നടത്തുക. ഇതിനായി എല്ലാ പോലീസ് ഉദ്യോഗസ്ഥര്‍ക്കും കൈയുറകള്‍ നിര്‍ബന്ധമാക്കിയിട്ടുണ്ടെന്നും ഡിജിപി അറിയിച്ചു.
Post Your Comments