ലക്‌നൗ: മുസ്ലീം സമുദായത്തിലെ യുവാവുമായി പ്രണയത്തിലായ വിവധവയായ സ്ത്രീയെ സഹോദരങ്ങള്‍ ചേര്‍ന്ന് ശ്വാസം മുട്ടിച്ചുകൊന്നു. കൊലപാതകത്തിന് ശേഷം സഹോദരങ്ങള്‍ ചേര്‍ന്ന് സംസ്‌കരിക്കുകയും ചെയ്തുവെന്നും പൊലീസ് വ്യക്തമാക്കി. ഉത്തര്‍പ്രദേശിലെ മുസഫര്‍ നഗറിലെ കൂക്ഡ ഗ്രാമത്തിലാണ് സംഭവം. യുവതിയുടെ സഹോദരങ്ങളായ സുമിത് കുമാര്‍, സോനു എന്നിവര്‍ക്കെതിരെ കൊലക്കുറ്റത്തിന് ന്യൂ മന്ദി പൊലീസ് കേസെടുത്തു. വ്യാഴാഴ്ച ഇരുവരെയും പൊലീസ് അറസ്റ്റ് ചെയ്തു.
35കാരിയായ യുവതിയുടെ കാമുകന്‍ സുല്‍ഫിക്കര്‍ നല്‍കിയ പരാതിയിലാണ് പൊലീസ് അന്വേഷണം നടത്തിയത്. തങ്ങളുടെ ബന്ധം അറിഞ്ഞ ബന്ധുക്കള്‍ യുവതിയെ കൊലപ്പെടുത്തിയ ശേഷം പൊലീസ് അറിയാതെ സംസ്‌കരിച്ചുവെന്ന് ഇയാള്‍ നല്‍കിയ പരാതിയില്‍ല പറയുന്നു. രണ്ട് വര്‍ഷം മുമ്പ് ഒരു അപകടത്തില്‍ യുവതിയുടെ ഭര്‍ത്താവ് മരിച്ചിരുന്നു. തുടര്‍ന്ന് സുല്‍ഫിക്കറുമായി പ്രണയത്തിലായ യുവതി ഇയാളെ വിവാഹം കഴിക്കാന്‍ തീരുമാനിക്കുകയായിരുന്നു. ഇതില്‍ പ്രകോപിതരായാണ് യുവതിയെ കൊലപ്പെടുത്തിയത്.
Post Your Comments