കൊ​ച്ചി​യി​ൽ കൊ​റോ​ണ സ്ഥി​രീ​ക​രി​ച്ച കു​ട്ടി​ സഞ്ചരിച്ച വിമാനത്തിൽ, കേരളത്തിൽ എത്തിയ മറ്റു യാത്രക്കാർ ആ​രോ​ഗ്യ​വ​കു​പ്പുമായി ബന്ധപ്പെടണമെന്നു നിർദേശം

കൊച്ചി :  കൊ​റോ​ണ സ്ഥി​രീ​ക​രി​ച്ച കു​ട്ടി​ സഞ്ചരിച്ച വിമാനത്തിലെ മറ്റു യാത്രക്കാർ ആ​രോ​ഗ്യ​വ​കു​പ്പുമായി ബന്ധപ്പെടമെന്നു ജി​ല്ലാ ഭ​ര​ണ​കൂ​ടത്തിന്റേതാണ് നി​ർ​ദ്ദേ​ശം.ഏഴാം തീയതി ദുബായി – കൊച്ചി എമിരേറ്റ്സ്  EK 503 വിമാനത്തിൽ നെടുമ്പാശ്ശേരിയിൽ എത്തിയ മൂന്നു വയസുകാരിക്കാണ് പു​തി​യ​താ​യി കൊ​റോ​ണ സ്ഥി​രീ​ക​രി​ച്ചി​രി​ക്കു​ന്ന​ത്. വി​മാ​ന​ത്തി​ലു​ണ്ടാ​യി​രു​ന്ന എ​ല്ലാ യാ​ത്ര​ക്കാ​രു​ടെ​യും വി​വ​ര​ങ്ങ​ൾ വി​മാ​ന​ത്താ​വ​ള അ​ധി​കൃ​ത​ർ ജി​ല്ലാ ഭ​ര​ണ​കൂ​ട​ത്തി​ന് കൈ​മാ​റി​യി​ട്ടു​ണ്ട്. വിമാനത്താവളത്തിലെ സിസിടിവി ദൃശ്യങ്ങൾ പരിശോധിച്ച് അന്ന് ഇവര്‍ വന്നിറങ്ങിയ സമയത്ത് ഡ്യൂട്ടിയിലുണ്ടായിരുന്ന ജീവനക്കാരെ അടക്കം പരിശോധനക്ക് വിധേയമാക്കും.

Also read : കൊറോണ രോഗ ലക്ഷണം മറച്ചുവച്ചിരുന്നില്ലെന്ന റാന്നി സ്വദേശികളുടെ വാദം പൊളിച്ച് കലക്ടര്‍

വിമാനത്താവളത്തിൽ നടത്തിയ പരിശോധനയിൽ സംശയം തോന്നിയതിനാൽ കുട്ടിയെ എറണാകുളം മെഡിക്കൽ കോളേജിലേക്ക് മാറ്റിയിരുന്നു. തുടര്‍ന്ന് നടത്തിയ പരിശോധനയിലാണ് വൈറസ് ബാധ സ്ഥിരീകരിച്ചത്. കുട്ടിയുടെ ആരോഗ്യ നില തൃപ്തികരമാണെന്ന് ജില്ലാ മെഡിക്കൽ ഓഫീസര്‍ അറിയിച്ചിട്ടുണ്ട്. കുട്ടിയുടെ മാതാപിതാക്കൾ ഐസൊലേഷൻ വാര്‍ഡിൽ നിരീക്ഷണത്തിലാണ്. ഇവരുടെ സാമ്പിളുകൾ പരിശോധനക്കയച്ചു.