പത്താം ക്ലാസ് പരീക്ഷയെഴുതുന്ന വിദ്യാര്‍ത്ഥികളെ കോപ്പിയടിക്കാൻ സാഹായിക്കുന്ന നാട്ടുകാർ : വീഡിയോ

യവത്മല്‍(മഹാഷ്ട്ര): പത്താം ക്ലാസ് പരീക്ഷയെഴുതുന്ന വിദ്യാര്‍ത്ഥികളെ കോപ്പിയടിക്കാൻ സാഹായിക്കുന്ന നാട്ടുകാരുടെ വിഡിയോ വൈറലാകുന്നു. മഹാരാഷ്ട്രയിലെ യവത്മലിലെ മഹാഗാവിലെ സ്കൂളിലാണ് മതിലില്‍ കയറി ജനലിലൂടെ ഉത്തരങ്ങളടങ്ങുന്ന പേപ്പർ നൽകുന്നത്. വാർത്ത ഏജൻസി എഎൻഐ ആണ് വീഡിയോ സഹിതം വാർത്ത റിപ്പോർട്ട് ചെയ്തിരിക്കുന്നത്.

#WATCH Maharashtra: People seen climbing the boundary walls and providing chits to students, writing their class X Matriculation examination at Zila Parishad School, Mahagaon in Yavatmal district. (03.03.2020) pic.twitter.com/IqwC4tdhLQ

— ANI (@ANI) March 3, 2020

Also read : സ്‌കൂളില്‍ പോകാന്‍ മടിയുള്ളവര്‍ക്കൊരു സന്തോഷ വാര്‍ത്ത; ഈ രാജ്യത്ത് ഇനി വീട്ടിലിരുന്നും പഠിക്കാം

ആദ്യം നാല് പേർ ഉത്തരമെഴുതിയ കടലാസ് വിദ്യാര്‍ത്ഥികള്‍ക്ക് കൈമാറാനായി എത്തുന്നതും പിന്നീട് ആളുകളുടെ എണ്ണം കൂടുന്നതും ദൃശ്യങ്ങളിൽ കാണാൻ സാധിക്കുന്നു. മതിലിന് മുകളില്‍ മുള്ളുവേലി സ്ഥാപിച്ചിട്ടുണ്ടെങ്കിലും അതെല്ലാം മറികടന്നാണ് ഇവർ ഉത്തരങ്ങൾ അടങ്ങിയ പേപ്പർ നൽകുന്നത്.  കോപ്പിയടിക്കുവാൻ വിദ്യാർത്ഥികളെ സഹായിക്കാന്‍ നിരവധി പേരാണ് എത്തിയതെന്ന് വിഡിയോയിൽ നിന്നും മനസിലാക്കാം. സ്കൂളിലെ ചുറ്റുമതില്‍ നിര്‍മാണം പൂര്‍ത്തിയായിട്ടില്ല. സുരക്ഷ വേണമെന്ന് പൊലീസിനോട് നിരവധി തവണ ആവശ്യപ്പെട്ടു. മുമ്പ് ബിഹാറിലും സമാനസംഭവമുണ്ടായത് രാജ്യത്ത് വൻ വാർത്ത ആയിരുന്നു.