ഹൈദരാബാദ്: ഉറക്കമുണര്‍ന്ന അമ്മ കാണുന്നത് ഇളയ മകളെ പിതാവ് പീഡിപ്പിക്കുന്ന രംഗം. ഹൈദരാബാദിലെ ദണ്ടിഗലില്‍ വെള്ളിയാഴ്ചയാണ് സംഭവം. ഇതോടെ താനും പിതാവിന്റെ പീഡനത്തിന് ഇരയായിട്ടുണ്ടെന്ന വെളിപ്പെടുത്തലുമായി മൂത്ത മകളും രംഗത്തെത്തി. കഴിഞ്ഞ ഒരു വര്‍ഷമായി തന്നെ പിതാവ് ലൈംഗികമായി പീഡിപ്പിച്ചു വരികയാണെന്നാണ് പെൺകുട്ടി പറഞ്ഞത്. തുടർന്ന് അമ്മ നൽകിയ പരാതിയിൽ പ്രതിക്കെതിരെ പോക്‌സോ കേസെടുത്ത് പൊലീസ് അറസ്റ്റു ചെയ്തു.
രണ്ട് പെണ്‍കുട്ടികളും മാതാപിതാക്കളും ഒരു മുറിയിലാണ് കിടന്നുറങ്ങാറ്. അര്‍ധരാത്രിക്ക് ശേഷം ഭാര്യ ഉറങ്ങി കഴിഞ്ഞാല്‍ മൂത്തമകളെ ലൈംഗികമായി പീഡിപ്പിക്കും. 2020 ജനുവരി മുതലാണ് ഇയാള്‍ ഇളയ പെണ്‍കുട്ടിയെ പീഡിപ്പിക്കാന്‍ തുടങ്ങിയതെന്ന് പൊലീസ് പറയുന്നു. പീഡനത്തെ തുടര്‍ന്ന് മൂത്തപെണ്‍കുട്ടി മാനസികമായി തകര്‍ന്ന നിലയിലാണ്. പീഡനവിവരം പുറത്തുപറഞ്ഞാല്‍ ഇരുവരെയും കൊലപ്പെടുത്തുമെന്ന് ഇയാള്‍ ഭീഷണിപ്പെടുത്തിയിരുന്നുവെന്നും പോലീസ് പറയുന്നു.
Post Your Comments