കൊറോണ; അമേരിക്കയിൽ ആദ്യത്തെ മരണം

ലോസ് ആഞ്ചല്‍സ്: കൊറോണ (കൊവിഡ്-19) വൈറസ് ബാധയില്‍ അമേരിക്കയില്‍ ആദ്യ മരണം റിപ്പോര്‍ട്ട് ചെയ്തു. വാഷിങ്ടണിലെ കിങ് കൗണ്ടിയില്‍ താമസിക്കുന്നയാളാണ് മരിച്ചതെന്നാണ് റിപ്പോർട്ട്. അതേസമയം 61ഓളം രാജ്യങ്ങളിലായി പടര്‍ന്നുപിടിച്ച കൊറോണ വൈറസ് ബാധയില്‍ ഇതുവരെ 2933 ആളുകള്‍ മരിച്ചു. 85,700ലേറെ ആളുകള്‍ക്ക് വൈറസ് ബാധ സ്ഥിരീകരിച്ചിട്ടുണ്ട്. ചൈനയില്‍ മാത്രം 2835 പേരാണ് മരിച്ചത്. വൈറസ് ബാധിതരുടെ എണ്ണം 79,251 ൽ എത്തി.