അമ്മേ.. പോവല്ലേ ഞങ്ങളും വരുന്നു ; റോഡ് മുറിച്ചു കടക്കുന്ന കരടിയുടെയും കുഞ്ഞുങ്ങളുടെയും വീഡിയോ വൈറലാകുന്നു

പക്ഷികളുടെയും മൃഗങ്ങളുടെയും കുഞ്ഞുങ്ങളുടെ വീഡിയോ ദൃശ്യങ്ങളും ചിത്രങ്ങളും വളരെ ആകര്‍ഷകമാണ്. അതുകൊണ്ട് തന്നെ അവയുടെ ചിത്രങ്ങളോ, ദൃശ്യങ്ങളോ സാമൂഹിക മാധ്യമങ്ങളിലിട്ടാല്‍ പെട്ടെന്ന് തന്നെ വൈറലാകാറുമുണ്ട്. ഇപ്പോള്‍ ഒരു അമ്മക്കരടിയുടെയും കുഞ്ഞുങ്ങളുടെയും ചെറിയ ഒരു വീഡിയോയാണ് സാമൂഹിക മാധ്യമങ്ങളില്‍ വൈറലാകുന്നത്.

വിനോദ സഞ്ചാരികള്‍ അവരുടെ കാറില്‍ ഇരുന്നുകൊണ്ടാണ് വീഡിയോ എടുത്തത്. ചെറിയ ഒരു റോഡ് മുറിച്ചു കടക്കുന്ന അമ്മക്കരടിയും നാല് കുഞ്ഞുങ്ങളുമാണ് വീഡിയോയിലുള്ളത്.

https://twitter.com/i/status/1233967354637250562

പ്രവീണ്‍ കസ്വാന്‍ എന്ന ഫോറസ്റ്റ് ഉദ്യോഗസ്ഥന്‍ ട്വീറ്റ് ചെയ്ത 38 സെക്കന്റ് മാത്രം ദൈര്‍ഘ്യമുള്ള വീഡിയോ നിരവധി പേരാണ് റീ ട്വീറ്റ് ചെയ്തിരിക്കുന്നത്. 22000ലധികം പേര്‍ വീഡിയോ ഇതിനോടകം കണ്ടിട്ടുണ്ട്.