ബൈറൂത്: മിസൈല്‍ ആക്രമണത്തിൽ ഏഴു പേര്‍ മരിച്ചതായി റിപ്പോര്‍ട്ട്. സിറിയന്‍ തലസ്ഥാനമായ ഡമസ്കസിൽ ഇറാന്റെ സൈനികസാന്നിധ്യമുള്ള വിമാനത്താവളത്തിനു നേരെ ഇസ്രായേല്‍ നടത്തിയ ആക്രമണത്തില്‍ മൂന്നു സിറിയന്‍ സേനാംഗങ്ങളും, നാല് ഇറാന് വിപ്ലവ സേനാംഗങ്ങളും കൊല്ലപ്പെട്ടതായി ബ്രിട്ടന്‍ ആസ്ഥാനമായ സിറിയന്‍ നിരീക്ഷണ സംഘടന അറിയിച്ചു.
അതേസമയം, ജൂലാന്‍ കുന്നുകള്‍ക്കപ്പുറത്തുനിന്ന് ഇസ്രായേല്‍ വ്യാഴാഴ്ച വിക്ഷേപിച്ച മിസൈലുകളെ ഇന്‍റര്‍സെപ്ടറുകള്‍ ഉപയോഗിച്ച്‌ തകര്‍ത്തു. നിരവധി മിസൈലുകള്‍ തകര്‍ത്തുവെങ്കിലും ചിലത് ലക്ഷ്യംകണ്ടുവെന്നും സിറിയന്‍ ഔദ്യോഗിക മാധ്യമങ്ങള്‍ റിപ്പോർട്ട് ചെയ്യുന്നു. ജൂലാന്‍കുന്നുകള്‍ക്കരികില്‍ സിറിയന്‍ പ്രദേശത്തെ ഇറാന് സാന്നിധ്യം തങ്ങള്‍ക്ക് ഭീഷണിയാണെന്നും ആക്രമണം തുടരുമെന്നും ഇസ്രായേല്‍ രാഷ്ട്രീയവൃത്തങ്ങള്‍ പ്രതികരിച്ചുവെങ്കിലും സൈന്യം പ്രതികരിച്ചിട്ടില്ല.
Post Your Comments