വയനാട്: ജന്മദിന സമ്മാനം നല്‍കാനെന്ന് പറഞ്ഞുകൊണ്ട് അര്‍ധരാത്രിയിൽ വിദ്യാര്‍ഥിനിയുടെ വീട്ടില്‍ അതിക്രമിച്ച്‌ കയറിയ യുവാവിനെതിരെ പോക്സോ കേസ്. തൊണ്ടര്‍നാട് കോറോം കുനിങ്ങാരത്ത് സല്‍മാന്‍ എന്ന യുവാവിനെതിരെയാണ് കേസ് ഫയൽ ചെയ്‌തിരിക്കുന്നത്‌. കഴിഞ്ഞ ദിവസം രാത്രി ഒരുമണിയോടെയാണു സല്‍മാന്‍ വിദ്യാര്‍ത്ഥിനിയുടെ വീട്ടില്‍ അതിക്രമിച്ചു കയറിയത്. നാട്ടുകാര്‍ പിടികൂടിയപ്പോൾ താന്‍ വിദ്യാര്‍ഥിനിക്ക് ജന്മദിന സമ്മാനം നല്‍കാന്‍ എത്തിയതാണെന്ന് പറഞ്ഞുകൊണ്ട് ഇയാൾ രക്ഷപെടാൻ ശ്രമിക്കുകയായിരുന്നു. തുടര്‍ന്ന് ഇയാളെ നാട്ടുകാര്‍ തന്നെ പിടികൂടി പൊലീസില്‍ ഏല്‍പ്പിച്ചു. പെണ്‍കുട്ടിയുടെ വീട്ടുകാര്‍ നല്‍കിയ പരാതിയുടെ അടിസ്ഥാനത്തിലാണ് കേസെടുത്തിരിക്കുന്നത്.
Post Your Comments