കൂടത്തായി കൂട്ടക്കൊലപാതക കേസിലെ മൂ​ന്നാം കു​റ്റ​പ​ത്രം സ​മ​ർ​പ്പി​ച്ചു

കോ​ഴി​ക്കോ​ട്: കൂ​ട​ത്താ​യി കൂ​ട്ട​കൊലപാതക കേസിലെ മൂ​ന്നാം കു​റ്റ​പ​ത്രം സ​മ​ർ​പ്പി​ച്ചു. മു​ഖ്യ​പ്ര​തി ജോ​ളി​ രണ്ടാം ഭർത്താവ് ഷാ​ജു​വി​ന്‍റെ ഒ​ന്ന​ര വ​യ​സു​ള്ള മ​ക​ൾ ആ​ൽ​ഫൈ​നെ കൊ​ല​പ്പെ​ടു​ത്തി​യ കേ​സിലെ കുറ്റപത്രമാണ് താ​മ​ര​ശേ​രി കോ​ട​തി​യിൽ ക്രൈം​ബ്രാ​ഞ്ച് സ​മ​ർ​പ്പി​ച്ച​ത്. ജോ​ളി​ക്ക് പു​റ​മേ സ​യ​നൈ​ഡ് ന​ൽ​കി​യ എം.​എ​സ്.​മാ​ത്യൂ, കെ.​പ്ര​ജി​കു​മാ​ർ എ​ന്നി​വ​രെ​യും ക്രൈം​ബ്രാ​ഞ്ച് പ്ര​തി​പ​ട്ടി​ക​യി​ൽ ഉ​ൾ​പ്പെ​ടു​ത്തി​.

2014 മേ​യ് മൂ​ന്നി​ന് ജോ​ളി സ​യ​നൈ​ഡ് ബ്രെ​ഡി​ൽ പു​ര​ട്ടി കു​ട്ടി​ക്ക് ന​ൽ​കു​ക​യാ​യി​രു​ന്നുവെന്നും ഷാ​ജു​വി​നെ വി​വാ​ഹം ക​ഴി​ക്കാ​ൻ വേ​ണ്ടി​യാ​ണ് കു​ട്ടി​യെ ജോ​ളി കൊ​ല​പ്പെ​ടു​ത്താ​ൻ തീ​രു​മാ​നി​ച്ച​തെന്നും അന്വേഷണം സംഘം കണ്ടെത്തിയിട്ടുണ്ട്. സ​ങ്കീ​ർ​ണ​മാ​യ കേ​സാ​ണി​തെ​ന്നും സാ​ക്ഷി​മൊ​ഴി​ക​ൾ അ​ടി​സ്ഥാ​ന​പ്പെ​ടു​ത്തി​യാ​ണ് പ്ര​തി​യെ ക​ണ്ടെ​ത്തി​യ​തെ​ന്നും ക്രൈം​ബ്രാ​ഞ്ച് എ​സ്പി കെ.​ജി.​സൈ​മ​ണ്‍ പ​റ​ഞ്ഞു.

Also read : സീരിയലിന് സ്റ്റേ, കൂടത്തായി കൊലപാതകത്തെ കുറിച്ചുള്ള സീരിയലിന് ഹൈക്കോടതിയുടെ സ്റ്റേ

റോയ് തോമസിനെ സയനൈഡ് നല്‍കി കൊലപ്പെടുത്തിയെന്ന കേസിലാണ് ആദ്യ കുറ്റപത്രം സമർപ്പിച്ചത്. 1800 പേജുള്ള കുറ്റപത്രത്തോടൊപ്പം 322 ഡോക്യുമെന്‍റ്സും 22 മെറ്റീരിയല്‍ ഒബ്ജെക്ട്സും സമര്‍പ്പിച്ചിട്ടുണ്ട്. ഒന്നാം പ്രതി ജോളി ഉള്‍പ്പെടെ നാല് പ്രതികളാണ് ഉള്ളത്. റോയ് തോമസിന്‍റെ ബന്ധു എം എസ് മാത്യു രണ്ടാം പ്രതിയും താമരശേരിയിലെ സ്വര്‍ണപ്പണിക്കാരനായ പ്രജുകുമാര്‍ മൂന്നാം പ്രതിയും സിപിഎം മുന്‍ പ്രാദേശിക നേതാവ് മനോജ് നാലാം പ്രതിയുമാണ്. കൊലപാതകം,ഗൂഢാലോചന,വ്യാജ രേഖ ചമയ്ക്കൽ,തെളിവ് നശിപ്പിക്കുക,വിഷം കൈയ്യിൽ വെയ്ക്കുക എന്നീ കുറ്റങ്ങളാണ് ചുമത്തിയിട്ടുണ്ട്. 246 സാക്ഷികളാണുള്ളത്, കേസിൽ മാപ്പ് സാക്ഷികളില്ല.ജോളിയുടെ രണ്ടു മക്കളുടേതടക്കം ആറ് പേരുടെ രഹസ്യമൊഴി രേഖപ്പെടുത്തിയിരുന്നു.