ഒരു വിജയത്തിന് സ്ഥിരോത്സാഹം ആവശ്യമാണ്, ഒരു പക്ഷേ ചിലപ്പോള്‍ ഇതിന് അല്‍പ്പം ക്ഷമയും ആവശ്യമായി വരും എന്നാല്‍ ഇത് ശ്രീജിത്തിന് നന്നായി അറിയാം. കഴിഞ്ഞ 10 വര്‍ഷമായി ശ്രീജിത്ത് എല്ലാ വര്‍ഷവും റാഫിള്‍ ടിക്കറ്റുകള്‍ വാങ്ങുന്നുണ്ട് ഒടുവില്‍ അദ്ദേഹത്തിന്റെ ക്ഷമ ഫലം കണ്ടു. ദുബൈ ഷോപ്പിംഗ് ഫെസ്റ്റിവലിന്റെ (ഡിഎസ്എഫ്) 25-ാം പതിപ്പിന്റെ ഭാഗമായ ഇന്‍ഫിനിറ്റി മെഗാ റാഫിളില്‍ ഇന്‍ഫിനിറ്റി ക്യുഎക്‌സ് 50, 200,000 ദിര്‍ഹം ക്യാഷ് പ്രൈസാണ് ഈ സ്റ്റോര്‍ കീപ്പര്‍ക്ക് അടിച്ചത്.
ഒരു വിജയത്തിനായുള്ള തന്റെ പതിറ്റാണ്ടുകളുടെ കാത്തിരിപ്പാണ് ഒടുവില്‍ അവസാനിച്ചത്. കഴിഞ്ഞ 10 വര്‍ഷമായി താന്‍ എല്ലാ വര്‍ഷവും ഒരു റാഫിള്‍ ടിക്കറ്റ് വാങ്ങിയിട്ടുണ്ട്, ഒരു ദിവസം ഭാഗ്യമുണ്ടാകുമെന്ന പ്രതീക്ഷയോടെ. ഒടുവില്‍ ആ പ്രതീക്ഷയ്ക്ക് ഈ വിജയം അര്‍ത്ഥമുണ്ടായിരിക്കുന്നു എന്നും തന്റെ സ്വപ്നങ്ങള്‍ സാക്ഷാത്കരിക്കാനാകുമെന്ന് താന്‍ ഇപ്പോള്‍ വിശ്വസിക്കുന്നു എന്നും ശ്രീജിത്ത് പറഞ്ഞു. എനിക്ക് രണ്ട് ആണ്‍കുട്ടികളും ഇനി മൂന്നാമതൊരാള്‍ വരാനിരിക്കുന്നു എന്നും ഈ പണം തന്റെ കുട്ടികളുടെ ഭാവി മികച്ചതാക്കാന്‍ ഉപയോഗിക്കുമെന്നും ശ്രീജിത്ത് കൂട്ടിചേര്‍ത്തു.റാഫിള്‍ ടിക്കറ്റ് അടിച്ച നിമിഷം, താന്‍ അത്ഭുതപ്പെട്ടു. എനിക്ക് എന്റെ ചെവിയേയും കണ്ണിനേയും വിശ്വസിക്കാന്‍ കഴിഞ്ഞില്ലെന്നും ശ്രീജിത്ത് സന്തോഷത്തോടെ പറഞ്ഞു.
ഫെസ്റ്റിവലിന്റെ ഓരോ ദിവസവും ഇന്‍ഫിനിറ്റി ക്യുഎക്‌സ് 50 കാറിലും 200,000 ദിര്‍ഹം പണത്തിലും ഓടിക്കാന്‍ ഇന്‍ഫിനിറ്റി മെഗാ റാഫിള്‍ ഡിഎസ്എഫ് സന്ദര്‍ശകര്‍ക്ക് അവസരമൊരുക്കുന്നുണ്ട്. പങ്കെടുക്കുന്നത് എളുപ്പമാണ്. താല്‍പ്പര്യമുള്ളവര്‍ ദൈനംദിന സമ്മാനം നേടുന്നതിനുള്ള അവസരത്തിനായി 200 ദിര്‍ഹത്തിന് റാഫിള്‍ ടിക്കറ്റ് വാങ്ങണം. കൂടാതെ, ഒരു ഭാഗ്യവാനായ ഡിഎസ്എഫ് ഷോപ്പര്‍ ഡിഎസ്എഫിന്റെ അവസാനത്തില്‍ ഒരു ദശലക്ഷം ദിര്‍ഹം പണവുമായി വീട്ടിലേക്ക് പോകാം
Post Your Comments