കൊച്ചി: ആര്‍എസ്‌എസിന്‍റെ മുസ്ലിം വിരോധമാണു രാജ്യത്തു നടപ്പിലാക്കുന്നതെന്ന വിമർശനവുമായി മുഖ്യമന്ത്രി പിണറായി വിജയൻ. പൗരത്വ ഭേദഗതി നിയമത്തിലൂടെ മുസ്ലിം സമൂഹത്തെ പ്രത്യേകമായി അടര്‍ത്തിയെടുക്കുകയാണു കേന്ദ്ര സര്‍ക്കാര്‍ ചെയ്തത്. ഇന്നു മുസ്ലിംകള്‍ക്കെതിരെയാണെങ്കില്‍ നാളെ എല്ലാവര്‍ക്കുമെതിരേ ആര്‍എസ്‌എസ് തിരിയും. ഇത് ആര്‍എസ്‌എസ് അജണ്ടയുടെ ഭാഗമാണെന്നും അദ്ദേഹം പറയുകയുണ്ടായി.
രാജ്യത്ത് ഉയര്‍ന്നുവന്നിരിക്കുന്ന പ്രക്ഷോഭങ്ങളെ തല്ലിയൊതുക്കാനാണു ബിജെപി സര്‍ക്കാര്‍ ശ്രമിക്കുന്നത്. സ്വാതന്ത്ര്യസമരത്തിലെന്ന പോലെ യുവതയുടെ ചെറുത്തുനിൽപ്പാണ് കാണാൻ കഴിയുന്നത്. അടിച്ചമര്‍ത്താന്‍ ശ്രമിച്ചാല്‍ കൂടുതല്‍ ശക്തമായി പ്രക്ഷോഭങ്ങള്‍ ഉയര്‍ന്നുവരും. പൗരത്വ ഭേദഗതി നിയമത്തിനെതിരേ ഒറ്റക്കെട്ടായ സമരമാണ് ആവശ്യമെന്നും പിണറായി പറഞ്ഞു.
Post Your Comments