ദുബായ്•ജനുവരി ഒന്നിന് ബുധനാഴ്ച വൈകിട്ടാണ് രണ്ട് എമിറാത്തി യുവാക്കൾ അപകടത്തിൽ മരിച്ചത്.റാസ് അൽ ഖൈമയിലെ ആസാൻ പ്രദേശത്ത് വച്ചാണ് അപകടം. സുൽത്താൻ ഹംദാൻ, നവാഫ് സലേം എന്നിവരാണ്‌ മരിച്ചത്. രണ്ട് പേർക്ക് ഗുരുതരമായി പരിക്കേറ്റതായും അധികൃതര്‍ അറിയിച്ചു.
ഇരകൾ സഞ്ചരിച്ചിരുന്ന കാർ പൂർണമായും തകർന്നിട്ടുണ്ട്. അപകടത്തിന് പിന്നിലെ കാരണങ്ങൾ കണ്ടെത്താൻ അന്വേഷണം നടക്കുന്നു.
അപകടത്തെക്കുറിച്ച് വിവരം ലഭിച്ചതിനെത്തുടര്‍ന്ന് ആർ‌എകെ പോലീസിന്റെ സെൻട്രൽ ഓപ്പറേഷൻസ് റൂം, പോലീസ് പട്രോളിംഗ്, ആംബുലൻസുകൾ, പാരാമെഡിക്കുകൾ, രക്ഷാപ്രവർത്തകർ എന്നിവരെ റിപ്പോർട്ടുചെയ്ത സ്ഥലത്തേക്ക് അയച്ചു.
19 കാരനായ സുൽത്താൻ ഹംദാനും 18 കാരനായ നവാഫ് സലേമും അപകടത്തിന്റെ ആഘാതം മൂലം സംഭവസ്ഥലത്തുവെച്ചുതന്നെ മരിച്ചു.
വ്യാഴാഴ്ച രാവിലെ 7.30 ന് അസാൻ പ്രദേശത്തെ ഷെയ്ഖ് സെയ്ഫ് അലി അൽ ഖത്രി പള്ളിയിൽ യുവാക്കളുടെ സംസ്കാര ചടങ്ങുകള്‍ നടത്തി.
Post Your Comments