കൊച്ചി: ഇന്ത്യന്‍ സൂപ്പര്‍ ലീഗിലെ മോശം പ്രകടനമാണ് കേരള ബ്ലാസ്റ്റേഴ്‌സ് ഇതുവരെ കാഴ്ചവെച്ചത്. ഒമ്പത് മത്സരങ്ങളില്‍ നിന്ന് ഏഴ് പോയിന്റുമായി ഒമ്പതാം സ്ഥാനത്താണ് ബ്ലാസ്റ്റേഴ്‌സ്. അതേസമയം ബ്ലാസ്റ്റേഴ്സിന് ഇനിയും ആദ്യ നാലില്‍ കടക്കാന്‍ കഴിയുമെന്നാണ് കോച്ച് എല്‍ക്കോ ഷാട്ടോരി പറയുന്നത്. കൊച്ചിയിൽ നോര്‍ത്ത് ഈസ്റ്റ് യുനൈറ്റഡുമായി നടക്കുന്ന മത്സരത്തിന് മുന്നോടിയായി മാധ്യമങ്ങളോട് സംസാരിക്കുകയായിരുന്നു അദ്ദേഹം.
Read also:ഞെട്ടിക്കുന്ന തോൽവിയുമായി കേരള ബ്ലാസ്റ്റേഴ്‌സ് : ആദ്യ ജയവുമായി ഹൈദരാബാദ്‌
ടീമിന്റെ കളി അല്‍പ്പം മെച്ചപ്പെട്ടു. അവസാന നാലിലെത്താന്‍ ഇനിയും സാധിക്കും. അടുത്ത വാരത്തോടെ ടീമിലെ എല്ലാ താരങ്ങളും പൂര്‍ണ കായികക്ഷമത വീണ്ടെടുക്കും. ബ്ലാസ്റ്റേഴ്സിനേക്കാള്‍ രണ്ടു പോയിന്റ് അധികമുള്ള നോര്‍ത്ത് ഈസ്റ്റിന് കഴിഞ്ഞ നാലു മത്സരങ്ങളില്‍ ജയിക്കാനായിട്ടില്ല. ബ്ലാസ്റ്റേഴ്‌സിനിപ്പോള്‍ സമയം അനുകൂലമല്ലെന്നും ഷാട്ടോരി പറഞ്ഞു. എടികെ, ബംഗളൂരു എഫ്‌സി എന്നിവര്‍ക്കെതിരെ ഇനിയും മത്സരങ്ങളുണ്ട്. അതു ജയിച്ചാല്‍ ബ്ലാസ്റ്റേഴ്സിന് ഇനിയും സാധ്യതയുണ്ടെന്നും അദ്ദേഹം കൂട്ടിച്ചേർത്തു.
Post Your Comments