കൊച്ചി: സിനിമയില്‍ മറ്റുള്ളവരുടെ തിരക്കഥയ്‌ക്കനുസരിച്ച്‌ ഡയലോഗ്‌ പറയുന്ന പോലെ താരങ്ങള്‍ ജീവിതത്തിലും അത്തരത്തിൽ അഭിനയിക്കരുതെന്ന് ബി.ജെ.പി. സംസ്ഥാന ജനറല്‍ സെക്രട്ടറി കെ. സുരേന്ദ്രന്‍. പൗരത്വബില്ലിനെതിരെ പ്രതിഷേധം ഉയരുന്ന സാഹചര്യത്തിലാണ് അദ്ദേഹത്തിന്റെ വിമർശനം. ജീവിതത്തില്‍ വസ്‌തുതനോക്കി പ്രതികരിക്കാനുള്ള സാമാന്യനീതി പുലര്‍ത്തണമെന്നും പൗരത്വ ഭേദഗതി നിയമം(സി.എ.എ) ഒരു തവണയെങ്കിലും വായിക്കാന്‍ താരങ്ങള്‍ തയാറാവണമെന്നും കെ. സുരേന്ദ്രൻ പറയുകയുണ്ടായി.
അതേസമയം പൗരത്വ ഭേദഗതി നിയമത്തിനെത്തിരെ രാജ്യത്ത് വൻ പ്രതിഷേധമാണ് ഉയരുന്നത്. മംഗളൂരുവിൽ ഇന്നലെ ശക്തമായ പ്രതിഷേധമാണ് അരങ്ങേറിയത്. പ്രതിഷേധക്കാര്‍ക്ക് നേരെ പോലീസ് വെടിവയ്പില്‍ രണ്ടു പേര്‍ കൊല്ലപ്പെട്ടിരുന്നു. നിരോധനാജ്ഞയെ മറികടന്ന് പോലീസ് സ്‌റ്റേഷന്‍ ആക്രമിക്കാന്‍ ശ്രമിച്ചവര്‍ക്കുനേരെയാണ് വെടിവച്ചതെന്നാണ് വിവരം.മംഗളൂരുവില്‍ നടക്കുന്ന പ്രതിഷേധങ്ങളുടെ പശ്ചാത്തലത്തില്‍ കേരളത്തിലും ജാഗ്രതാ നിര്‍ദേശം നല്‍കിയിട്ടുണ്ട്.
Post Your Comments