മണിപ്പൂര്‍ ഗവര്‍ണര്‍ നജ്മ ഹെപ്തുള്ളയ്ക്ക് നേരെ ആലുവയില്‍ കരിങ്കൊടി പ്രതിഷേധ നടന്നു അപ്രതീക്ഷിതമായാണ് ആലുവയില്‍ പ്രതിഷേധം ഉണ്ടായത്. ആലുവ ഗസ്റ്റ് ഹൗസിലെത്തിയ യൂത്ത് കോണ്‍ഗ്രസ്, കെഎസ്‌യു പ്രവര്‍ത്തകരാണ് ഗവര്‍ണറുടെ വാഹനം തടഞ്ഞ് പ്രതിഷേധം ഉയര്‍ത്തിയത്.
ഗവര്‍ണര്‍ രാവിലെ ഏഴരയോടെ വിമാനത്താവളത്തിലേക്ക്പുറപ്പെട്ടപ്പോഴായിരുന്നു പ്രതിഷേധകാർ രംഗത്ത് എത്തിയത്. ആലുവ പാലസില്‍ നിന്നും പുറത്തേക്ക് പോകുകയായിരുന്ന ഗവര്‍ണറുടെ വാഹനവ്യൂഹത്തിന് മുന്നില്‍ യൂത്ത് കോണ്‍ഗ്രസ് നേതാവ് പി.ബി സുനീറിന്റെ നേതൃത്വത്തിലുള്ളവര്‍ പ്രതിഷേധിക്കുകയായിരുന്നു. പത്ത് മിനിറ്റോളം ഗവര്‍ണറുടെ വാഹനം പ്രതിഷേധക്കാര്‍ തടഞ്ഞു നിര്‍ത്തുകയും ചെയ്തു.
അതേസമയം പ്രതിഷേധക്കാരോട് പൗരത്വ ഭേദഗതി നിയമത്തെ മണിപ്പൂര്‍ സര്‍ക്കാരും ജനങ്ങളും ഒരേപോലെ സ്വീകരിച്ചുവെന്നും അവിടെ പ്രശ്നങ്ങളില്ലെന്നും നജ്മ ഹെപ്തുള്ള പറഞ്ഞു.തുടര്‍ന്ന് പോലീസെത്തി സമരക്കാരെ അറസ്റ്റ് ചെയ്ത് മാറ്റുകയായിരുന്നു.
Post Your Comments