ഷോര്‍ട്ട് സര്‍ക്ക്യൂട്ട്: വീടിന് സമീപത്തെ ഷെഡും രണ്ട് ബൈക്കുകളും കത്തി നശിച്ചു

ഹരിപ്പാട്: ഷോര്‍ട്ട് സര്‍ക്ക്യൂട്ട് മൂലം വീടിന് സമീപത്തെ ഷെഡ് കത്തിനശിച്ചു.ചിങ്ങോലി എന്‍ടിപിസി ഗസ്റ്റ് ഹൗസിനു പടിഞ്ഞാറുവശം പുത്തന്‍ പുരക്കല്‍ സദാനന്ദന്റെ വീടിനു സമീപമുള്ള ഷെഡാണ് കഴിഞ്ഞ ദിവസം പുലര്‍ച്ചെ അഞ്ചരയോടെ കത്തിയത്. ഷെഡില്‍ സൂക്ഷിച്ചിരുന്ന പള്‍സര്‍ ബൈക്ക്, സ്കൂട്ടര്‍ എന്നിവ പൂര്‍ണ്ണമായും നശിച്ചു. ‌ഇലക്‌ട്രോണിക്സ് ഉപകരണങ്ങളുടെ റിപ്പയറിങ് ആണ് സദാനന്ദന്‍ന് ജോലി. ഇത്തരത്തിൽ ശരിയാക്കാനായി കൊണ്ടുവന്ന നിരവധി ഇലക്‌ട്രോണിക്സ് ഉപകരണങ്ങളും ഉണ്ടായിരുന്നു. അവയും കത്തിനശിച്ചു.