നാഗ്പൂർ: ബലാത്സംഗ ശ്രമത്തിനിടെ അഞ്ച് വയസുകാരി ബാലികയെ കൊലപ്പെടുത്തിയ 32കാരൻ പൊലീസ് പിടിയിൽ. സംഭവത്തിൽ 32 കാരനെ പൊലീസ് അറസ്റ്റ് ചെയ്തു. വെള്ളിയാഴ്ചയാണ് കുട്ടിയെ കാണാതായത്. മഹാരാഷ്ട്രയിലെ നാഗ്പൂർ ജില്ലയിലെ ലിംഗ ഗ്രാമത്തിലാണ് സംഭവം. ഒരു കൃഷിയിടത്തിൽ നിന്ന് ഇന്നലെ വൈകീട്ടോടെയാണ് അഞ്ച് വയസുകാരിയുടെ മൃതദേഹം കണ്ടെത്തിയത്. വെള്ളിയാഴ്ച മുത്തശ്ശിയുടെ വീട്ടിൽ പോയ കുട്ടി തിരിച്ചെത്താത്തതിനെ തുടർന്ന് നടത്തിയ അന്വേഷണത്തിനൊടുവിലാണ് മൃതദേഹം കണ്ടെത്തിയത്.
തലയ്ക്കേറ്റ പരിക്കാണ് മരണകാരണമെന്നാണ് പ്രാഥമിക നിഗമനം. കൃഷിയിടത്തിന് രണ്ട് വശങ്ങളിലായാണ് മുത്തശ്ശിയുടെയും കുട്ടിയുടെയും വീടുകളെന്നും അന്വേഷണം പുരോഗമിക്കുകയാണെന്നും പൊലീസ് വ്യക്തമാക്കി.
Post Your Comments