അർദ്ധരാത്രിയിൽ ഹോട്ടലുടമ ഭാര്യയെയും കാമുകനെയും കയ്യോടെ പിടികൂടി: പിന്നീട് സംഭവിച്ചത് 

ബെംഗളൂരു• തുമകുരുവിൽ അര്‍ദ്ധരാതിയില്‍ 45 കാരനായ ഹോട്ടലുകാരനെ ഭാര്യയും കാമുകനും ചേര്‍ന്ന് കുത്തിക്കൊലപ്പെടുത്തി. ഡിസംബര്‍ 2 ന് ആണ് സംഭവം. പ്രതികളെ ഉടന്‍ തന്നെ അറസ്റ്റ് ചെയ്തതായും ആയുധം പിടിച്ചെടുത്തതായും പോലീസ് പറഞ്ഞു. തന്റെ ഭാര്യ എച്ച് വിദ്യയെയും (29) കാമുകൻ ജി സതീഷ് എന്ന ജാക്കിയെയും (22) അരുതാത്ത നിലയില്‍ കൈയോടെ പിടിച്ചതിനെത്തുടര്‍ന്നാണ് തുമകുരുവിലെ ഹോംബയ്യനപല്യയിലെ ആർ ഹനുമെഗൗഡയ്ക്ക് സ്വന്തം ജീവന്‍ നല്‍കേണ്ടി വന്നത്.

13 വര്‍ഷം മുന്‍പാണ്‌ ഹനുമെഗൗഡ അമ്മായിയുടെ ചെറുമകളായ വിദ്യയെ വിവാഹം കഴിച്ചത്. ദമ്പതികൾക്ക് 11 വയസ്സുള്ള ഒരു മകനുമുണ്ട്.

13 വയസുള്ളപ്പോൾ 1987 ൽ ഹനുമെഗൗഡ മുംബൈയിലേക്ക് പോയി. 2000 ന്റെ അവസാനത്തിൽ സ്വന്തം ഹോട്ടൽ തുടങ്ങുന്നതിനുമുമ്പ് ക്ലീനർ, വിതരണക്കാരൻ, പാചകക്കാരൻ എന്നീ നിലകളിൽ പ്രവർത്തിച്ചു. 2013 ൽ നഷ്ടം നേരിട്ട അദ്ദേഹം തുമകുരുവിലേക്ക് മടങ്ങി.

ക്യാറ്റാസന്ദ്രയ്ക്ക് സമീപം അദ്ദേഹം ഒരു ധാബ തുറന്നു, അത് വീണ്ടും നഷ്ടത്തിലായി. 2017 ൽ അദ്ദേഹം വീണ്ടും മുംബൈയിൽ പോയി ഒരു ഹോട്ടലിൽ ചേർന്നു. ഇതിനിടെ തുമകുരുവിൽ താമസിച്ച വിദ്യ ഒരു ഓട്ടോ ഡ്രൈവറായ സതീഷുമായി അടുത്തു. അവരുടെ വീട്ടുകാർ ഇതിനെക്കുറിച്ച് മുന്നറിയിപ്പ് നൽകിയിരുന്നു,- പോലീസ് പറഞ്ഞു.

ഫെബ്രുവരിയിൽ തുമകുരുവിൽ തിരിച്ചെത്തിയ ഹനുമെഗൗഡ ഒരു ബന്ധുവിന്റെ ധാബയിൽ പങ്കാളിയായി. രാത്രി ധാബയില്‍ തന്നെയായിരുന്നു ഹനുമെഗൗഡയുടെ ഉറക്കം. ഡിസംബർ 2 ന് രാത്രി 11 മണിയോടെ സതീഷിനെ വീട്ടിൽ കണ്ടതായി ഒരു കോൾ ലഭിച്ചു. തുടര്‍ന്ന് അവിടെയെത്തിയ ഹനുമെഗൗഡയെ സതീഷ്‌ കുത്തിക്കൊലപ്പെടുത്തിയ ശേഷം ഓടി രക്ഷപ്പെടുകയായിരുന്നു.