കാക്കിനാഡ• ആന്ധ്രാപ്രദേശില്‍ ഒറ്റയ്ക്ക് താമസിച്ചിരുന്ന 60 കാരിയായ വിധവയെ 31 കാരിയായ അയൽക്കാരൻ ബലാത്സംഗം ചെയ്തു കൊലപ്പെടുത്തി. കിഴക്കൻ ഗോദാവരി ജില്ലയിലെ ചെരുവു ഗട്ടു ഗ്രാമത്തിൽ തിങ്കളാഴ്ച രാത്രിയാണ്‌ സംഭവം. കൃത്യത്തിന് ശേഷം പ്രതി സ്ത്രീയുടെ ശരീരത്തിലും മുറിയിലും മുളകുപൊടി വിതറി. പോലീസ് നായകന്‍ മണം പിടിച്ചു പ്രതിയെ കണ്ടെത്തുന്നത് തടയാനായിരുന്നു ഇത്. അതേസമയം, ഏതാനും മണിക്കൂറിനുള്ളിൽ അയാളുടെ വീട്ടിലേക്കുള്ള കാൽപ്പാടുകളുടെ സഹായത്തോടെ പ്രതിയെ കണ്ടെത്താൻ പോലീസിന് കഴിഞ്ഞു.
തദേഹം കണ്ടെത്തി മണിക്കൂറുകൾക്കകം പ്രതിയെ അറസ്റ്റ് ചെയ്തു. സ്ത്രീയുടെ വസതിയിൽ നിന്ന് ഒരു വീട് മാത്രം അകലെയാണ് പ്രതി താമസിക്കുന്നത്. മദ്യലഹരിയിലാണ് പ്രതി കുറ്റം ചെയ്തതെന്ന് കരുതുന്നതായി ഈസ്റ്റ് ഗോദാവരി എസ്പി അദ്‌നാൻ നയീം അസ്മി പറഞ്ഞു.
ഉത്സവം നടക്കുന്നതിനാല്‍ ഭൂരിഭാഗം ഗ്രാമവാസികളും ഗ്രാമത്തിലെ സുബ്രഹ്മണ്യ സ്വാമി ക്ഷേത്രത്തിളായിരുന്നു. ഈ അവസരം മുതലെടുത്താണ് പ്രതി രണ്ട് മുറികളുള്ള വീട്ടിൽ പ്രവേശിച്ച് സ്ത്രീയ ലാത്സംഗം ചെയ്യുകയും കഴുത്തു ഞെരിച്ച് കൊല്ലുകയും ചെയ്തത്.
കൊലപാതകത്തിന് ശേഷം സ്ത്രീയുടെ വീട്ടിൽ നിന്ന് 80,000 രൂപയും ഇയാള്‍ കവര്‍ന്നു. പോലീസ് രേഖകൾ പ്രകാരം മോഷണത്തിന് പ്രതിയെ ഒരു തവണ അറസ്റ്റ് ചെയ്തിരുന്നു. ഗാർഹിക പീഡനത്തെക്കുറിച്ച് ഭാര്യ പരാതിപ്പെട്ടതിനെത്തുടർന്ന് ഗ്രാമത്തിലെ മുതിർന്നവർ ഇയാളെ പലതവണ ഉപദേശിച്ചിരുന്നു.
കൊല്ലപ്പെട്ട സ്ത്രീയുടെ മകൾ ഹൈദരാബാദിൽ താമസിക്കുന്നതിനാലും ഏതാനും വർഷങ്ങൾക്ക് മുമ്പ് ഭർത്താവും മകനും മരിച്ചതിനാലും സ്ത്രീ തനിച്ചാണ് താമസിച്ചുവന്നിരുന്നതെന്നും പോലീസ് പറഞ്ഞു.
Post Your Comments