ബസ്‌ തണുത്തുറഞ്ഞ നദിയില്‍ വീണ് നിരവധി മരണം

സൈബീരിയ•കിഴക്കൻ സൈബീരിയയിലെ തണുത്തുറഞ്ഞ നദിയിലേക്ക് ബസ് പാലത്തില്‍ നിന്ന് വീണ് 19 പേര്‍ മരിച്ചതായി റഷ്യന്‍ അധികൃതര്‍ അറിയിച്ചു.

ഞായറാഴ്ചയുണ്ടായ അപകടത്തിൽ 22 പേർക്ക് പരിക്കേറ്റതായി അടിയന്തര മന്ത്രാലയം ഉദ്ധരിച്ച് റഷ്യൻ വാർത്താ ഏജൻസികൾ പറഞ്ഞു.

മോസ്‌കോയിൽ നിന്ന് 4,900 കിലോമീറ്റർ (3,100 മൈൽ) കിഴക്കായി കുവെങ്ക നദിക്ക് കുറുകെയുള്ള പാലം കടക്കുമ്പോൾ ബസിലെ മുൻ ചക്രം തകര്‍ന്നതയാണ് പ്രാഥമിക അന്വേഷണം സൂചിപ്പിക്കുന്നത്.

കോച്ച് മാതൃകയിലുള്ള ബസ് തലകീഴായി മഞ്ഞുപാളികളിലേക്ക് ഇറങ്ങി യാത്രക്കാരുടെ കമ്പാർട്ട്മെന്റ് തകർന്നതായി റിപ്പോര്‍ട്ടുകള്‍ പറയുന്നു.