ന്യൂഡല്‍ഹി: രാജ്യത്തിന്റെ ഫെഡറല്‍ ഘടനയുടെ ആത്മാവാണ് രാജ്യസഭയെന്ന് പ്രധാനമന്ത്രി മോഡി. രാജ്യസഭയുടെ 250-ാം സമ്മേളനത്തെ അഭിസംബോധന ചെയ്ത് സംസാരിക്കുകയായിരുന്നു അദ്ദേഹം. ചരിത്രത്തിന്റെ സാക്ഷിയും സാക്ഷിയും സ്രഷ്ടാവുമാണ് രാജ്യസഭ. തിരഞ്ഞെടുപ്പ് രാഷ്ട്രീയത്തില്‍ പങ്കാളിയാകാത്തവര്‍ക്ക് രാജ്യത്തിന്റെ വികസനത്തില്‍ പങ്കാളിയാകാനുള്ള അവസരമാണ് രാജ്യസഭാഗത്വം നല്‍കുന്നതെന്നും പ്രധാനമന്ത്രി പറഞ്ഞു.
പാര്‍ലമെന്ററി തത്വങ്ങള്‍ക്ക് അനുസൃതമായി പ്രവര്‍ത്തിച്ച പാര്‍ട്ടികളാണ് എന്‍.സി.പിയും ബി.ജെ.ഡിയുമെന്ന് പ്രധാനമന്ത്രി പ്രശംസിച്ചു. ഇരു പാര്‍ട്ടികളും ഒരിക്കലും സഭയുടെ നടുത്തളത്തില്‍ ഇറങ്ങിയിട്ടില്ല. എന്നാല്‍ തങ്ങളുടെ വാദങ്ങള്‍ ഫലപ്രദമായി ഉന്നയിക്കാന്‍ ഇരു പാര്‍ട്ടികള്‍ക്കും സാധിച്ചിട്ടുണ്ടെന്നും പ്രധാനമന്ത്രി പറഞ്ഞു.പലരും കരുതിയത് മുത്തലാഖ് ബില്‍ രാജ്യസഭ കടക്കില്ല എന്നാണ്. എന്നാല്‍ ബില്‍ പാസാക്കാന്‍ രാജ്യസഭ തയാറായത് ഈ സഭയുടെ പക്വതയാണ് കാണിക്കുന്നത്.
ജിഎസ്ടിയുടെ കാര്യത്തിലും അനുച്ഛേദം 370-ന്‍റെ കാര്യത്തിലുമെല്ലാം നാം ഇത് കണ്ടതാണെന്നും മോദി ചൂണ്ടിക്കാട്ടി.ഫെഡറലിസത്തിന്റെ ആത്മാവിനെ കൂടുതല്‍ പോഷിപ്പിക്കാന്‍ രാജ്യസഭയ്ക്ക് സാധിക്കുമെന്ന് പറഞ്ഞ പ്രധാനമന്ത്രി 2003ല്‍ എ.ബി വാജ്‌പേയ് രാജ്യസഭയില്‍ നടത്തിയ പ്രസംഗത്തെയും അനുസ്മരിച്ചു.
Post Your Comments