എറണാകുളം: പൊതുമരാമത്ത് വകുപ്പില്‍ ക്രമക്കേട് നടത്തിയ അഞ്ച് ഉദ്യോഗസ്ഥരെ സസ്പെൻഡ് ചെയ്തു. ആലപ്പുഴ ഡിവിഷനില്‍ എക്സിക്യൂട്ടിവ് എന്‍ജിനീയര്‍ ലതാ മങ്കേഷ്, അസിസ്റ്റന്‍റ് എന്‍ജിനീയര്‍ മനോജ്, ജൂനിയര്‍ സൂപ്രണ്ട് ഷെല്‍മി, എറണാകുളം ഡിവിഷനില്‍ ക്ലാര്‍ക്കുമാരായ വി. ജയകുമാര്‍, പ്രസാദ് എസ്. പൈ എന്നിവരെയാണു സസ്പെന്ഡ് ചെയ്തത്. ആരോപണവിധേയരായ 14 ഉദ്യോഗസ്ഥര്‍ക്കെതിരെ അച്ചടക്ക നടപടി സ്വീകരിക്കാനും മന്ത്രി ജി സുധാകരൻ നിർദേശിച്ചു.
കഴിഞ്ഞ സര്‍ക്കാരിന്‍റെ കാലത്ത് പൊതുമരാമത്ത് വകുപ്പ് എറണാകുളം, ആലപ്പുഴ ഡിവിഷനുകളില്‍ വ്യാപക ക്രമക്കേട് നടന്നതായി ധനകാര്യ പരിശോധനാ വിഭാഗത്തിന്‍റെ പരിശോധനയില്‍ കണ്ടെത്തിയിരുന്നു. ചെയ്യാത്ത ജോലിക്ക് പണം നൽകുന്നതടക്കമുള്ള അഴിമതികളാണ് കണ്ടെത്തിയത്. ഇതുമൂലം സര്‍ക്കാരിന് 1.77 കോടി രൂപയുടെ നഷ്ടമാണുണ്ടായത്. ഇതോടെ ജീവനക്കാരെ സസ്പെന്ഡ് ചെയ്യാനും ക്രമക്കേടു നടത്തിയ ഉദ്യോഗസ്ഥരില്‍നിന്നു പണം തിരിച്ചുപിടിക്കാനും മന്ത്രി ജി. സുധാകരന്‍ ഉത്തരവിടുകയായിരുന്നു.
Post Your Comments