പച്ചക്കറികളിൽ ഭംഗിയും രുചിയും കുറവാണെങ്കിലും ഗുണം ഏറെയുള്ള ഒന്നാണ് പാവയ്ക്ക. പാവയ്ക്കയ്ക്ക് പല ഗുണങ്ങൾ ഉണ്ടെങ്കിലും അവയൊക്കെ ശരീരത്തിന് ഉള്ളിലാണ് പ്രയോജനം ചെയ്യുക എന്ന രീതിയൊക്കെ മാറിയിരിക്കുന്നു. പാവയ്ക്കകൊണ്ടുള്ള ഒരു ബാഹ്യഗുണത്തെക്കുറിച്ചറിയാം. പാവയ്ക്കയിൽ വൈറ്റമിന്‍ സി, വൈറ്റമിന്‍ ബി1, ബി2, ബി3, കാല്‍സ്യം, അയേണ്‍, റൈബോഫ്ളേവിന്‍, ബീറ്റാ കരോട്ടിന്‍ തുടങ്ങിയ പല ഘടകങ്ങളും അടങ്ങിയിട്ടുണ്ട്. ഇതിനു പുറമെ മഗ്നീഷ്യം, ഫോസ്ഫറസ്, തയാമിന്‍, സിങ്ക്, ഫോളിയേറ്റ് തുടങ്ങിയ പല ഘടകങ്ങളും ഇതില്‍ അടങ്ങിയിട്ടുണ്ട്. ഇതിന്‍റെ ആന്‍റിമൈക്രോബിയല്‍ ഗുണങ്ങള്‍ താരനും ശിരോചര്‍മത്തിലുണ്ടാകുന്ന അണുബാധകളും അകറ്റാന്‍ ഏറെ നല്ലതാണ് മുടിയ്ക്കു തിളക്കം നല്‍കാനും മൃദുത്വം നല്‍കാനും മുടി കൊഴിച്ചില്‍ അകറ്റാനുമെല്ലാം ഇത് ഏറെ ഗുണകരവുമാണ്. മുടിയുടെ വിവിധ പ്രശ്നങ്ങള്‍ക്കായി ഏതെല്ലാം വിധത്തില്‍ പാവയ്ക്ക ഉപയോഗിയ്ക്കാമെന്നു നോക്കൂ.
Read also: ഗണപതിഹോമം വീടുകളില്‍ നടത്തുമ്പോള്‍ ഇക്കാര്യങ്ങൾ അറിഞ്ഞിരിക്കണം
മുടി കൊഴിച്ചിലിന് പാവലിന്‍റെ ഇല നല്ലൊരു മരുന്നാണ്. ഇത് അല്‍പം പറിച്ചെടുത്ത് കഴുകി മിക്സിയിലിട്ട് അരയ്ക്കുക. അല്‍പം വെള്ളം ചേര്‍ത്തരയ്ക്കാം. അല്‍പം വെളിച്ചെണ്ണ ചൂടാക്കി ഈ മിശ്രിതത്തിലെ ജ്യൂസ് എടുത്തു കലര്‍ത്തി മുടിയില്‍ പുരട്ടി മസാജ് ചെയ്യുക. മുടികൊഴിച്ചില്‍ അകറ്റാനും കഷണ്ടി വരുന്നതു തടയാനുമുള്ള നല്ലൊരു വഴിയാണിത്. പാവയ്ക്ക അടിച്ചു ജ്യൂസെടുക്കുക. ഇത് തൈരില്‍ കലര്‍ത്തുക. ഇത് മുടിയിലും ശിരോചര്‍മത്തിലും പുരട്ടി മസാജ് ചെയ്യുക. അര മണിക്കൂര്‍ കഴിയുമ്പോള്‍ ഇളംചൂടുവെള്ളം കൊണ്ടു കഴുകിക്കളയാം. ഇത് ആഴ്ചയില്‍ ഒരു തവണയെങ്കിലും അല്‍പ കാലം അടുപ്പിച്ചു ചെയ്യുക. ഇത് മുടി കൊഴിയുന്നത് ഒഴിവാക്കും.
താരനുള്ള നല്ലൊരു പ്രതിവിധിയാണ് പാവയ്ക്ക ജ്യൂസ്. അര കപ്പ് പാവയ്ക്കാ ജ്യൂസില്‍ 1 ടേബിള്‍ സ്പൂണ്‍ ജീരകപ്പൊടി കലര്‍ത്തി മുടിയില്‍ തേച്ചു പിടിപ്പിയ്ക്കുക. ഇത് അര മണിക്കൂര്‍ കഴിയുമ്പോള്‍ കഴുകിക്കളയാം ഇത് താരന്‍ ശമിപ്പിയ്ക്കാന്‍ ഏറെ നല്ലതാണ്. വരണ്ടതും ചൊറിച്ചിയുള്ളതുമായ ശിരോചര്‍മം പലപ്പോഴും മുടി കൊഴിച്ചിലിനുള്ള പ്രധാന കാരണമാണ്. ഇതിനുള്ള നല്ലൊരു പ്രതിവിധിയാണ് പാവയ്ക്കാ ജ്യൂസ്. പാവയ്ക്കാ ജ്യൂസ് അല്‍പം ചെറുനാരങ്ങാജ്യൂസുമായി കലര്‍ത്തുക. ഇത് മുടിയിലും ശിരോചര്‍മത്തിലും തേച്ചു പിടിപ്പിയ്ക്കുക. അല്‍പം കഴിഞ്ഞ് ഇളം ചൂടുവെള്ളം കൊണ്ടു കഴുകിക്കളയാം ഇത് ആഴ്ചയില്‍ രണ്ടു മൂന്നൂ തവണ വീതം അല്‍പനാള്‍ അടുപ്പിച്ചു ചെയ്യുക. അകാലനരയ്ക്കുള്ള നല്ലൊരു പരിഹാരം കൂടിയാണ് കയ്പ്പക്ക. കയ്പ്പക്കയുടെ ജ്യൂസില്‍ കറിവേപ്പില അരച്ച മിശ്രിതം മുടി കൊഴിച്ചിലിന് നല്ലൊരു മരുന്നാണ്.ശിരോചര്‍മത്തിലെ പ്രശ്നങ്ങള്‍ ഒഴിവാക്കാന്‍ പഴം നല്ലപോലെ ഉടച്ചതില്‍ പാവയ്ക്കയുടെ ജ്യൂസ് ചേര്‍ത്തിളക്കി മുടിയില്‍ പുരട്ടാം. ഇത് പുരട്ടി മസാജ് ചെയ്യുന്നത് ശിരോചര്‍മത്തിന്‍റെ ആരോഗ്യത്തിന് ഏറെ നല്ലതാണ്. ഇത് മുടി കൊഴിച്ചില്‍ പോലുള്ള പ്രശ്നങ്ങള്‍ ഒഴിവാക്കാനും നല്ലതാണ്. വരണ്ട, കുരുക്കളുള്ള ശിരോചര്‍മത്തിനുള്ള നല്ലൊരു മരുന്നു കൂടിയാണ് പാവയ്ക്ക. അര കപ്പ് പാവയ്ക്കാനീര് ഇത്രയും തന്നെ തൈരില്‍ കലര്‍ത്തുക. ഇതില്‍ 2 ടേബിള്‍ സ്പൂണ്‍ ചെറുനാരങ്ങാനീരും ചേര്‍ത്തിളക്കുക. ഇത് ശിരോചര്‍മത്തിലും മുടിയിലും നല്ലപോലെ പുരട്ടി മസാജ് ചെയ്ത് അര മണിക്കൂര്‍ കഴിയുമ്ബോള്‍ കഴുകിക്കളയാം. ഇത് ശിരോചര്‍മത്തിലെ കുരുക്കള്‍ മാറുന്നതിനും വരണ്ട സ്വഭാവം ഇല്ലാതാക്കുന്നതിനും ഏറെ നല്ലതാണ്.
മുടിത്തുമ്പ് പിളരുന്നത് ഒഴിവാക്കാന്‍ പാവയ്ക്കാ നീര് ഏറെ നല്ലതാണ്. മുടിയുടെ തുമ്ബില്‍ പാവയ്ക്കാ ജ്യൂസ് പുരട്ടുക. അല്‍പം കഴിയുമ്ബോള്‍ കഴുകിക്കളയുകയും വേണം. ഇത് മുടിയുടെ തുമ്പ് പിളരുന്നത് ഒഴിവാക്കാന്‍ ഏറെ നല്ലതാണ്. മുടിയ്ക്കു കറുപ്പു നിറം നല്‍കാനും പാവയ്ക്ക ഏറെ നല്ലതാണ്. 6 ടേബിള്‍ സ്പൂണ്‍ വെളിച്ചെണ്ണയെടുക്കുക. ഇതില്‍ 1 ചെറിയ പാവയ്ക്ക വട്ടത്തില്‍ അരിഞ്ഞിട്ട് കുറഞ്ഞ തീതിയില്‍ ചൂടാക്കുക. പാവയ്ക്ക ബ്രൗണ്‍ നിറമാകുമ്പോള്‍ വാങ്ങി വച്ച്‌ ഊറ്റിയെടുക്കാം. ഈ വെളിച്ചെണ്ണ ചെറുചൂടോടെ പുരട്ടുന്നത് ഏറെ നല്ലതാണ്. ഇത് പുരട്ടി മസാജ് ചെയ്ത ശേഷം അല്‍പം കഴിയുമ്പോള്‍ കഴുകിക്കളയാം. മുടിയ്ക്കു കറുപ്പു നിറം ലഭിയ്ക്കാന്‍ ഇത് ഏറെ നല്ലതാണ്.
Post Your Comments