കോഴിക്കോട് : വീട്ടമ്മയുടെ നമ്പര്‍ അശ്ലീല ഗ്രൂപ്പില്‍ …വീട്ടമ്മയ്ക്ക് ഇടതടവില്ലാതെ അശ്ലീല സന്ദേശങ്ങളും കോളുകളും. ഇതോടെ സഹികെട്ട വീട്ടമ്മ യുവാവിനെതിരെ പരാതി നല്‍കി. അശ്ലീല ചിത്രങ്ങളും വിഡിയോകളും പങ്കുവയ്ക്കാറുള്ള വാട്‌സാപ് ഗ്രൂപ്പിലാണ് വീട്ടമ്മയുടെ മൊബൈല്‍ നമ്പര്‍ അവരുടെ അനുമതിയില്ലാതെ ചേര്‍ത്തത്. മലപ്പുറം സ്വദേശിയായ യുവാവിനെയാണ് പരാതി നല്‍കിയിരിക്കുന്നത്. കോഴിക്കോട് നാദാപുരം പൊലീസ് സ്റ്റേഷനിലാണ് വീട്ടമ്മ പരാതി നല്‍കിയിരിക്കുന്നത്.
Read Also : വാട്‌സ് ആപ്പ് ചാറ്റുകള്‍ക്ക് ഇനി ആന്‍ഡ്രോയ്ഡ് ഫോണുകളിലും അതിസുരക്ഷ
ഒക്ടോബര്‍ 24 നാണ് സംഭവം. വീട്ടമ്മയുടെ അനുമതിയില്ലാതെ അശ്ലീല ഗ്രൂപ്പില്‍ നമ്പര്‍ ചേര്‍ക്കുകയായിരുന്നു. നിരവധി അംഗങ്ങളുള്ള ഗ്രൂപ്പില്‍ നമ്പര്‍ പ്രത്യക്ഷപ്പെട്ടതോടെ അശ്ലീല ഫോണ്‍, വിഡിയോ കോളുകള്‍ വരാന്‍ തുടങ്ങി. ഇതോടെയാണ് ഗ്രൂപ്പില്‍ നമ്പര്‍ വെളിപ്പെടുത്തിയ യുവാവിന്റെ മൊബൈല്‍ നമ്പറിന്റെ സ്‌ക്രീന്‍ ഷോട്ട് സഹിതം പരാതി നല്‍കിയത്.
അശ്ലീല ചര്‍ച്ചകള്‍ നടക്കുന്ന ഗ്രൂപ്പില്‍ അനുമതിയില്ലാതെ പലരെയും ചേര്‍ക്കുന്നുവെന്ന് നേരത്തെ നിരവധി പെണ്‍കുട്ടികള്‍ പരാതിയുമായി രംഗത്തുവന്നിരുന്നു. ഇതോടെ ആ ഫീച്ചറില്‍ വാട്‌സാപ് തന്നെ മാറ്റം വരുത്തി. എങ്കിലും ചില സ്ത്രീകളെ ഇപ്പോഴും അശ്ലീല ഗ്രൂപ്പുകളില്‍ ചേര്‍ക്കുന്നുണ്ടെന്ന് പരാതികള്‍ നിലനില്‍ക്കുന്നുണ്ട്.
Post Your Comments