തിരുവനന്തപുരം: നടന്‍ ബിനീഷ് ബാസ്റ്റിൻ വിവാദത്തിൽ സംവിധായകന്‍ അനില്‍ രാധാകൃഷ്ണ മേനോനെതിരെ പ്രതിഷേധം കനക്കുന്നതിനിടെ ട്രോളുമായി കേരള പോലീസ്. എന്നും നിങ്ങള്‍ക്കൊപ്പം എന്ന പേരില്‍ പ്രസിദ്ധപ്പെടുത്തിയ മീം ട്രോളില്‍ ബിനീഷ് ബാസ്റ്റ്യന്‍റെ ഫോട്ടോയാണ് ഉപയോഗിച്ചിരിക്കുന്നത്. ഇന്ന് രാവിലെയാണ് കേരളാ പോലീസിന്‍റെ ഫേസ്ബുക്ക് പേജില്‍ ബിനീഷ് ബാസ്റ്റ്യനെ ഉപയോഗിച്ചുള്ള് ട്രോള്‍ കേരളാ പൊലീസ് ഷെയര്‍ ചെയ്തത്. ” നമ്മുടെ പേജ് ” , ” നിങ്ങള്‍ വളര്‍ത്തിയതാണ് ഈ പേജ് ” , ” നിങ്ങള്‍ക്ക് ഉപകാരപ്പെടുന്ന രീതിയില്‍ നിങ്ങളോടൊപ്പം തന്നെയാണ് ഈ പേജും” . ” ഇനിയും നിങ്ങളോടൊപ്പം തന്നെയുണ്ടാകും” . “തെറ്റിനൊപ്പമല്ല… നിങ്ങള്‍ക്കൊപ്പം.. നേരിനൊപ്പം..” എന്ന കുറിപ്പുമാണ് മീമിനൊപ്പം ഉള്ളത്.
Post Your Comments