കോട്ടയം: കോടതിവിധി പി.ജെ. ജോസഫിന് തിരിച്ചടിയാണെന്ന് വ്യക്തമാക്കി ജോസ് കെ.മാണി എം.പി. ചെയര്‍മാന്റെ അധികാരം തന്നില്‍ നിക്ഷിപ്തമാണെന്നുവാദിച്ച്‌ പി.ജെ. ജോസഫ് എടുത്ത എല്ലാ തീരുമാനവും അസാധുവാക്കുന്നതാണ് കോടതിവിധി. ഈ സാഹചര്യത്തില്‍ വര്‍ക്കിങ് ചെയര്‍മാനായ ജോസഫിന് ചെയര്‍മാന്റെ അധികാരങ്ങള്‍ നിര്‍വഹിക്കാന്‍ അവകാശമില്ല. ജോസഫിന്റെ രണ്ടു വാദങ്ങളും തെറ്റാണെന്ന് കോടതി സൂചിപ്പിട്ടുണ്ടെന്നും ജോസ് കെ മാണി വ്യക്തമാക്കി. പാര്‍ട്ടി ഭാരവാഹികളെ ഫോണ്‍വിളിച്ചും ഭീഷണിപ്പെടുത്തിയും ഒപ്പം നിര്‍ത്താനുള്ള നീക്കമാണ് നടക്കുന്നതെന്നും ജോസ് കെ മാണി പറയുകയുണ്ടായി.
Read also: ചെയർമാൻ സ്ഥാനം ; ജോസ് കെ മാണിക്ക് കനത്ത തിരിച്ചടി : അപ്പീലിൽ കോടതി വിധിയിങ്ങനെ
പാലാ ഉപതെരഞ്ഞെടുപ്പില്‍ യു.ഡി.എഫിനെ പി.ജെ. ജോസഫ് ദുര്‍ബലപ്പെടുത്തി. യു.ഡി.എഫ് നേതാക്കളുടെ സാന്നിധ്യത്തില്‍ കൂടിയാലോചനകള്‍ക്കൊടുവില്‍ പ്രഖ്യാപിച്ച സ്ഥാനാര്‍ഥിയെ ജോസഫ് അംഗീകരിച്ചില്ല. വിവാദത്തിലേക്ക് പോകരുതെന്ന് യു.ഡി.എഫ് നേതാക്കള്‍ പറഞ്ഞതിനാലാണ് ഇക്കാര്യങ്ങള്‍ ഇതുവരെ പറയാതിരുന്നതെന്നും ജോസ് കെ മാണി കൂട്ടിച്ചേർത്തു.
Post Your Comments