മോസ്കോ•വിമാനത്തിനുള്ളില്‍ പരസ്യമായി ഓറല്‍ സെക്സില്‍ ഏര്‍പ്പെട്ട് സ്ത്രീയും പുരുഷനും പിടിയിലായി. മോസ്കോയില്‍ നിന്ന് കിഴക്കന്‍ റഷ്യയിലെ വ്ലാഡിവോസ്റ്റോക്കിലേക്കുള്ള വിമാനത്തിലാണ് സംഭവം.
41 കാരനായ പുരുഷനും 43 കാരിയായ സ്ത്രീയും വിമാനം കയറുന്നതിന് തൊട്ടുമുന്‍പ് മാത്രമാണ് കണ്ടുമുട്ടിയതെന്നാണ് റിപ്പോര്‍ട്ടുകള്‍ പറയുന്നത്.
ഇവരുടെ ചെയ്തികള്‍ കണ്ട് ഞെട്ടിയ യാത്രക്കാര്‍ ദൃശ്യങ്ങള്‍ മൊബൈലുകളില്‍ പകര്‍ത്തുകയും ചെയ്തിരുന്നു. ഇക്കോണമി ക്ലാസ്സിൽ മദ്യപിച്ച് ഓറൽ സെക്‌സ് നടത്തുകയായിരുന്നുവെന്നാണ് പോലീസ് പറയുന്നത്.
റഷ്യൻ ആഭ്യന്തര മന്ത്രാലയം പറയുന്നതനുസരിച്ച് ഇരുവര്‍ക്കും 15 ദിവസം വരെ തടവും പിഴയും നേരിടേണ്ടി വരും.
യാത്രക്കാര്‍ പരാതിപ്പെട്ടതിന്റെ തുടര്‍ന്ന് വിമാന ജീവനക്കാര്‍ സംഭവം വിമാനത്തിന്റെ ക്യാപ്റ്റനെ അറിയിച്ചിരുന്നു.
സർക്കാർ ഉടമസ്ഥതയിലുള്ള റോസിയ എയർലൈൻസിന്റെ എട്ടര മണിക്കൂർ വിമാനത്തിലാണ് മറ്റു യാത്രക്കാരെ ഞെട്ടിച്ച സംഭവങ്ങള്‍ അരങ്ങേറിയത്.
ജോഡിയുടെ പേരുകൾ പോലീസ് വെളിപ്പെടുത്തിയിട്ടില്ല, എന്നാൽ പുരുഷൻ വ്ലാഡിവോസ്റ്റോക്കിൽ നിന്നുള്ളയാളാണെന്നും നഖോഡ്കയിൽ നിന്നുള്ള സ്ത്രീയാണെന്നും പറയപ്പെടുന്നു.
ലക്ഷ്യസ്ഥാനത്ത് എത്തിയ ഉടനെ ഇവരെ പോലീസ് അറസ്റ്റ് ചെയ്തു. ഇവര്‍ ലഹരിയിലായിരുന്നുവെന്ന് തുടര്‍ന്ന് നടത്തിയ പരിശോധനയില്‍ കണ്ടെത്തി.
Post Your Comments