ന്യൂഡല്‍ഹി: ട്രെയിനുകളുടെ വേഗം കൂട്ടുന്നതിനായി 18,000 കോടിയുടെ പദ്ധതി അവതരിപ്പിച്ച് മോദി സർക്കാർ. ഡല്‍ഹി-മുംബൈ, ഡല്‍ഹി-കൊല്‍ക്കത്ത റൂട്ടുകളിലെ അടിസ്ഥാന സൗകര്യം മെച്ചപ്പെടുത്താനും പദ്ധതിയിൽ തുക മാറ്റി വെച്ചിട്ടുണ്ട്. റെയില്‍വേ ബോര്‍ഡ് ചെയര്‍മാന്‍ വി.കെ യാദവാണ് ഇക്കാര്യം അറിയിച്ചത്.13-ാമത് ഇന്റര്‍നാഷണല്‍ റെയില്‍വേ എക്യുപ്‌മെന്റ് എക്‌സിബിഷന്റെയും, ഇന്റര്‍നാഷണല്‍ റെയില്‍ കോണ്‍ഫറന്‍സ്-2019ന്റെയും ഉദ്ഘാടനം നിര്‍വഹിച്ച് സംസാരിക്കുകയായിരുന്നു വി.കെ. യാദവ്.
അടിസ്ഥാന സൗകര്യം മെച്ചപ്പെടുത്തുക എന്നതിലൂടെ ട്രാക്ക്-സിഗ്നല്‍ സംവിധാനങ്ങള്‍ മെച്ചപ്പെടുത്തുക, ആളില്ലാ ലെവല്‍ ക്രോസിങ്ങുകള്‍ ഒഴിവാക്കുക തുടങ്ങിയവയാണ് ഉദ്ദേശിക്കുന്നത്. ഡല്‍ഹി-മുംബൈ, ഡല്‍ഹി-കൊല്‍ക്കത്ത റൂട്ടുകളില്‍ മണിക്കൂറില്‍ 160 കിലോമീറ്റര്‍ വേഗത്തിലും നിര്‍ദിഷ്ട മുംബൈ- അഹമ്മദാബാദ് ബുള്ളറ്റ് ട്രെയിന്‍ സര്‍വീസ് മണിക്കൂറില്‍ 320 കിലോമീറ്ററിലും ക്രമപ്പെടുത്തും. പദ്ധതി പൂര്‍ത്തിയാകാന്‍ നാലുവര്‍ഷം വേണ്ടിവരുമെന്നും അദ്ദേഹം കൂട്ടിച്ചേര്‍ത്തു.
ALSO READ: ഒറ്റ ഇരട്ട വാഹന നിയന്ത്രണം: സർക്കാർ തീരുമാനം നവംബർ ഒന്നിന് ഹൈക്കോടതി പരിശോധിക്കും
Post Your Comments