ശബരിമലയിൽ എൽഡിഎഫ് സ‌ർക്കാ‌ർ നടത്തിയ വികസന പ്രവർത്തനങ്ങൾ തെരഞ്ഞെടുപ്പ് പ്രചാരണത്തിനായി ഉപയോഗിച്ച മുഖ്യമന്ത്രിയെ വെല്ലുവിളിച്ച് മുൻ മുഖ്യമന്ത്രി ഉമ്മൻ ചാണ്ടി

തിരുവനന്തപുരം: ശബരിമലയിൽ എൽഡിഎഫ് സ‌ർക്കാ‌ർ നടത്തിയ വികസന പ്രവർത്തനങ്ങൾ പ്രചാരണായുധമാക്കിയ മുഖ്യമന്ത്രിയെ വെല്ലുവിളിച്ച് മുൻ മുഖ്യമന്ത്രി ഉമ്മൻ ചാണ്ടി. ശബരിമലയിൽ വികസനങ്ങൾക്കായി 1273 കോടി രൂപ ചെലവഴിച്ചു എന്ന് ആവർത്തിച്ചു പറയുന്ന മുഖ്യമന്ത്രി തുക എന്തിനൊക്കെ ആണ് ചെലവാക്കിയതെന്ന് പറയണമെന്ന് ഉമ്മൻ ചാണ്ടി വ്യക്തമാക്കി.

Read also: രജിസ്‌ട്രേഷന്‍ ചെലവ് കുറയ്ക്കാന്‍ മരടിലെ ഫ്‌ളാറ്റ് ഉടമകള്‍ കാണിച്ച അതിബുദ്ധി തിരിച്ചടിയായി : 25 ലക്ഷം 7 പേര്‍ക്ക് മാത്രം

ശബരിമല വികസനത്തിന് യു‍ഡിഎഫ് 212 കോടി രൂപ മാത്രം ചെലവഴിച്ചപ്പോൾ എൽ‍ഡിഎഫ് സർക്കാർ ചെലവഴിച്ചത് 1278 കോടി രൂപ എന്നായിരുന്നു മുഖ്യമന്ത്രി പറഞ്ഞിരുന്നത്. എന്നാൽ വെറും 47.4 കോടി മാത്രം ആണ് ഇടത് സർക്കാർ ചെലവഴിച്ചത് എന്ന് ഉമ്മൻ ചാണ്ടി പറയുന്നു. ബജറ്റിൽ കാണിച്ച തുക ഇടത് സർക്കാർ ചെലവഴിച്ചിട്ടില്ല. എന്നാൽ1500 കോടി രൂപ 5 വർഷം കൊണ്ട് യുഡിഎഫ് സർക്കാർ ചെലവഴിച്ചെന്നും ഉമ്മൻ ചാണ്ടി കൂട്ടിച്ചേർത്തു.