ശ്രീനഗര്‍: കശ്മീരിലെ അനന്ത്നാഗ് ജില്ലയില്‍ സുരക്ഷസേനയുമായുണ്ടായ ഏറ്റുമുട്ടലിൽ മൂന്ന് ഭീകരർ കൊല്ലപ്പെട്ടു. നാസിര്‍ ഗുല്‍സാര്‍ ചാദ്രൂ എന്ന അബൂഹന്നാന്‍, സാഹിദ് അഹ്മദ് ലോണ്‍, ആഖിബ് അഹ്മദ് ഹാജം എന്നിവരാണ് കൊല്ലപ്പെട്ടത്. അനന്ത്നാഗ്, ബിജ്ബെഹര, കുല്‍ഗാം എന്നിവിടങ്ങളില്‍ നിന്നുള്ളവരാണ് ഇവര്‍. ജില്ലാ പൊലീസ് നല്‍കിയ വിവരത്തിന്റെ അടിസ്ഥാനത്തില്‍ നടത്തിയ തിരച്ചിലിനിടെയാണ് ഏറ്റുമുട്ടല്‍ നടന്നതെന്ന് അധികൃതര്‍ പറഞ്ഞു.
അതേസമയം ദക്ഷിണ കശ്മീരില്‍ ഛത്തിസ്ഗഢില്‍ നിന്നുള്ള തൊഴിലാളി തീവ്രവാദികളുടെ വെടിയേറ്റു മരിച്ചു. ബെസോളിയില്‍ നിന്നുള്ള അടുപ്പ് നിര്‍മാണ തൊഴിലാളിയായ സേത്തികുമാര്‍ ആണ് കൊല്ലപ്പെട്ടത്. മറ്റൊരാള്‍ക്കൊപ്പം നടന്നുപോകവെ ഇയാള്‍ക്കുനേരെ വെടിയുതിര്‍ക്കുകയായിരുന്നു.
Post Your Comments