ഉപയോക്താക്കൾക്ക് സന്തോഷിക്കാവുന്ന തീരുമാനവുമായി ജിയോ

ന്യൂഡല്‍ഹി: ജിയോയിൽ നിന്നും മറ്റു നെറ്റ്‌വർക്കിലേക്ക് വിളിക്കുമ്പോൾ മിനുട്ടിന് ആറു പൈസ ഈടാക്കുമെന്ന അറിയിപ്പുകൾ വന്നതിനു പിന്നാലെ, ഉപയോക്താക്കൾക്ക് സന്തോഷിക്കാവുന്ന ഒരു തീരുമാനവുമായി വീണ്ടും ജിയോ രംഗത്ത്. നിലവിലുള്ള പ്ലാനിന്റെ കാലാവധി അവസാനിക്കുന്നത് വരെ കോളുകള്‍ സൗജന്യമായി തന്നെ ലഭിക്കും. കൂടാതെ . ഒക്ടോബര്‍ ഒമ്പതിന് റീച്ചാര്‍ജ് ചെയ്തവര്‍ക്കും അതിന്റെ കാലാവധി തീരുന്നതുവരെ സൗജന്യ വോയ്‌സ് കോളുകള്‍ അനുവദിക്കുന്നതാണ്.

An important update for all Jio users. pic.twitter.com/TR04y92wmC

— Reliance Jio (@reliancejio) October 10, 2019

ഇതാദ്യമായാണ് റിലയന്‍സ് ജിയോ വോയ്‌സ് കോളുകള്‍ക്ക് ചാര്‍ജ് ഈടാക്കുവാൻ ഒരുങ്ങുന്നത്. ചാര്‍ജ് ഈടാക്കാന്‍ തീരുമാനിച്ചെങ്കിലും നിലവിലുള്ള താരിഫ് പ്ലാനുകള്‍ മാറ്റാനോ പുതിയത് അവതരിപ്പിക്കാനോ തയ്യറായിട്ടില്ല. ജിയോയില്‍നിന്ന് ജിയോയിലേയ്ക്കുള്ള കോളുകള്‍ക്കുള്ള സൗജന്യം തുടരും. മറ്റു നെറ്റ്‌വർക്കിലേക്ക് വിളിക്കുന്നതിനായി 10 രൂപ മുതല്‍ 100 രൂപവരെയുള്ള വൗച്ചറുകള്‍ ജിയോ പുറത്തിറക്കിയിട്ടുണ്ട്. 10 രൂപയുടെ റീച്ചാര്‍ജ് ചെയ്താല്‍ ഒരു ജിബി ഡാറ്റ സൗജന്യമായി ലഭിക്കും.

Also read : ജിയോയുടെ പേരില്‍ ഉപഭോക്താക്കളെ കബളിപ്പിക്കുന്നു; വ്യാജ സന്ദേശങ്ങള്‍ക്കെതിരെ മുന്നറിയിപ്പുമായി കമ്പനി