സാംസ്‌കാരിക പ്രവർത്തകർ പ്രധാന മന്ത്രിക്ക് കത്തയച്ച സംഭവം; രാ​ജ്യ​ദ്രോ​ഹ​ക്കേ​സ് റ​ദ്ദാ​ക്കും, പ​രാ​തി ന​ല്‍​കി​യ കോൺഗ്രസ് പ്രവർത്തകനായ അ​ഭി​ഭാ​ഷ​ക​നെതിരെ കേസ്

ന്യൂ​ഡ​ല്‍​ഹി: സാംസ്‌കാരിക പ്രവർത്തകർ പ്രധാന മന്ത്രിക്ക് കത്തയച്ച സംഭവത്തിൽ അ​ടൂ​ര്‍ ഗോ​പാ​ല​കൃ​ഷ്ണ​ന്‍ ഉ​ള്‍​പ്പെ​ടെ 49 പ്ര​മു​ഖ​ര്‍​ക്കെ​തി​രെ ചുമത്തിയ രാ​ജ്യ​ദ്രോ​ഹ​ക്കേ​സ് റദ്ദാക്കും. പകരം ഈ സംഭവത്തെക്കുറിച്ച് പ​രാ​തി ന​ല്‍​കി​യ കോൺഗ്രസ് പ്രവർത്തകനായ അ​ഭി​ഭാ​ഷ​ക​നെതിരെ കേസ് എടുത്തു. പ​രാ​തി വ്യാ​ജ​മെ​ന്ന് തെ​ളി​ഞ്ഞ​തോ​ടെ​യാ​ണ് കേ​സ് റ​ദ്ദാ​ക്കു​ന്ന​ത്. ബി​ഹാ​ര്‍ പോ​ലീ​സാ​ണ് ഇ​ക്കാ​ര്യം വ്യ​ക്ത​മാ​ക്കി​യ​ത്.

വ്യാ​ജ​പ​രാ​തി ന​ല്‍​കി​യ​തി​നാ​ണ് കേ​സെ​ടു​ത്തി​രി​ക്കു​ന്ന​ത്. അ​ന്വേ​ഷ​ണ റി​പ്പോ​ര്‍​ട്ട് ഉ​ട​ന്‍ കോ​ട​തി​യി​ല്‍ ന​ല്‍​കു​മെ​ന്ന് പോ​ലീ​സ് വ്യക്തമാക്കി. സു​ധീ​ര്‍ ഓ​ജ​യു​ടെ പ​രാ​തി​യി​ല്‍ ബി​ഹാ​റി​ലെ മു​സ​ഫ​ര്‍​പു​ര്‍ ചീ​ഫ് ജു​ഡീ​ഷ​ല്‍ മ​ജി​സ്ട്രേ​റ്റ് സൂ​ര്യ​കാ​ന്ത് തി​വാ​രി​യാ​ണ് ക​ത്തെ​ഴു​തിയ പ്ര​മു​ഖ​ര്‍​ക്കെ​തി​രെ കേ​സെ​ടു​ക്കാ​ന്‍ ഉ​ത്ത​ര​വി​ട്ട​ത്. പ്ര​ധാ​ന​മ​ന്ത്രി​ക്ക​യ​ച്ച ക​ത്ത് രാ​ജ്യ​ത്തി​ന്‍റെ പ്ര​തി​ച്ഛാ​യ​യ്ക്കു ക​ള​ങ്ക​മു​ണ്ടാ​ക്കി​യെ​ന്നും പ്ര​ധാ​ന​മ​ന്ത്രി​യെ താ​ഴ്ത്തി​ക്കെ​ട്ടാ​ന്‍ ശ്ര​മി​ച്ചെ​ന്നും ആ​രോ​പി​ച്ചാ​ണു സു​ധീ​ര്‍ കു​മാ​ര്‍ ഹ​ര്‍​ജി സ​മ​ര്‍​പ്പി​ച്ച​ത്.

സം​വി​ധാ​യ​ക​രാ​യ മ​ണി​ര​ത്നം, അ​ടൂ​ര്‍ ഗോ​പാ​ല​കൃ​ഷ്ണ​ന്‍, അ​നു​രാ​ഗ് ക​ശ്യ​പ്, ച​ല​ച്ചി​ത്ര പ്ര​വ​ര്‍​ത്ത​ക​രാ​യ രേ​വ​തി, അ​പ​ര്‍​ണാ സെ​ന്‍, എ​ഴു​ത്തു​കാ​ര​ന്‍ രാ​മ​ച​ന്ദ്ര ഗു​ഹ, തു​ട​ങ്ങി വി​വി​ധ മേ​ഖ​ല​ക​ളി​ലെ 49 പ്ര​മു​ഖ വ്യ​ക്തി​ക​ള്‍ ക​ത്തി​ല്‍ ഒ​പ്പി​ട്ടി​രു​ന്നു.