തിരുവനന്തപുരം: ഡിജിറ്റല്‍ രംഗത്ത് എന്നും മുന്നിലാണ് ആപ്പിള്‍. പുതിയ പ്രോഡക്ട് ആയ ഐ ഫോണ്‍ 11 വന്‍ നേട്ടമാണ് ഉണ്ടാക്കികൊണ്ടിരിക്കുന്നത്. ധാരാളം പേരാണ് വലിയ തുക മുടക്കി ഈ ഫോണ്‍ വാങ്ങിയത്. എന്നാല്‍ ഒരു മലയാളി ഈ ഫോണ്‍ സ്വന്തമാക്കിയത് അല്പം വ്യത്യസ്തമായാണ്. കാരണം ഒരു രൂപയുടെ ഒരു ലക്ഷം നാണയങ്ങള്‍ കൊടുത്താണ് വ്‌ലോഗര്‍ കൂടിയായ മലയാളി കാര്‍ത്തിക് സൂര്യ ആപ്പിളിന്റെ ഈ പുതിയ ഫോണ്‍ സ്വന്തമാക്കിയത്.
മാള്‍ ഓഫ് ട്രാവന്‍കൂറില്‍ ഫോണിന്റെ ലോഞ്ചില്‍ കാര്‍ത്തിക് എത്തിയത് എല്ലാവരെയും അതിശയിപ്പിച്ചു. ഒരു രൂപ തുട്ടുകള്‍ ചാക്കുകളിലാക്കിയാണ് അദ്ദേഹം ഫോണ്‍ വാങ്ങാനായി എത്തിയത്. ഈ വീഡിയോ സാമൂഹ്യ മാധ്യമങ്ങള്‍ ഏറ്റെടുത്തു കഴിഞ്ഞു. ഐ ഫോണിന്റെ ഈ പ്രോഡക്റ്റ് സ്വന്തമാക്കാന്‍ കാര്‍ത്തിക്കിന് ദിവസങ്ങള്‍ നീണ്ട കാത്തിരിപ്പാണ് വേണ്ടി വന്നത്. സ്റ്റേറ്റ് ബാങ്ക് ഓഫ് ഇന്ത്യയുടെ ബ്രാഞ്ചില്‍ നിന്ന് ഒരു രൂപയുടെ നാണയങ്ങള്‍ ശേഖരിക്കുന്ന വീഡിയോയും ശ്രദ്ധ നേടിയിരുന്നു.
Post Your Comments