ദുബായ്: ബർദുബായ് അൽ മൻഖൂൽ ഭാഗത്തെ ഫ്ലാറ്റിലുണ്ടായ പൊട്ടിത്തെറിയിൽ രണ്ട് മരണം. രണ്ടു പേർക്ക് ഗുരുതരമായി പരിക്കേറ്റു. ശനിയാഴ്ച വൈകിട്ട് ഏഴോടെയായിരുന്നു സ്ഫോടനം നടന്നത്. ഏഴ് നില കെട്ടിടത്തിലെ ആറാംനിലയിലെ സ്റ്റുഡിയോ ഫ്ലാറ്റിലാണ് സ്ഫോടനമുണ്ടായത്. പാചകവാതക പൈപ്പ് ലൈൻ പൊട്ടിത്തെറിച്ചതാണെന്നാണ് സംശയം. സ്ഫോടനത്തിൽ കെട്ടിടത്തിന്റെ ചുമരുകളും ജനാലയും പാടേ തകർന്നു. കൂടാതെ, തൊട്ടടുത്തെ ഫ്ലാറ്റിന്റെ ചുമരുകൾക്കും വിള്ളലുണ്ടായിട്ടുണ്ട്.
സ്ഫോടന സമയത്ത് തങ്ങളുടെ ഫ്ലാറ്റുകൾക്കും വിറയലനുഭവപ്പെട്ടതായി താമസക്കാർ പറഞ്ഞു. സിവിൽ‍ഡിഫൻസ് വിഭാഗമെത്തിയാണ് രക്ഷാപ്രവർത്തനം നടത്തിയത്. കെട്ടിടത്തിലെ താമസക്കാരെ ഒഴിപ്പിച്ച ശേഷം തൊട്ടടുത്തെ ഹോട്ടൽ അപാർട്മെന്റിൽ സൗകര്യമൊരുക്കി.
Post Your Comments